پشاور(ای پی آئی ) پاکستان تحریک انصاف کے رہنما اور سابق سپیکر قومی اسمبلی اسد قیصر کی جانب مقدمات کی تفصیلات فراہمی سے متعلق دائر درخواست پر پشاور ہائیکورٹ میں سماعت ۔
عدالت نے ایڈوکیٹ جنرل کی جانب سے سماعت ملتوی کرنے کی درخواست پر اسد قیصر کو کسی بھی درج مقدمہ میں گرفتار نہ کرنے کا حکم دیتے ہوئے سماعت ملتوی کر دی ۔
تفصیل کے مطابق پشاور ہائیکورٹ کےچیف جسٹس ابراہیم خان اور جسٹس اشتیاق ابراہیم نے اسد قیصر کی درخواست پر سماعت کی
دوران سماعت جسٹس اشتیاق ابراہیم نے سوال اٹھایا کہ ایڈووکیٹ جنرل عدالت کو معاونت فراہم کرتے ہوئے آگاہ کرے کہ کیا کوئی ملزم ایک مقدمے میں گرفتار ہوجائے تو کیا باقی درج مقدمات میں بھی گرفتاری تصور ہوگی، جس پر ایڈووکیٹ جنرل نے بتایا کہ عدالتی سوال پر جواب کے لیے وقت دیا جائے ۔
پی ٹی آئی کے وکیل شیر افضل مروت نے عدالت کو بتایا کہ 11 ایسے فیصلے ہیں کہ کسی ملزم کی ایک مقدمے میں گرفتاری کو موجود سارے مقدمات میں تصور ہوگی۔ درخواست گزار کیخلاف مقدمات میں گرفتاری سے روکا جائے،
جسٹس اشتیاق براہیم نے کہاکہ آج تک جتنے مقدمات درج ہیں ان میں گرفتار نہیں کریں گے۔
عدالت نے سابق سپیکر اسد قیصر اور دیگر کو درج مقدمات میں گرفتار نہ کرنے کاحکم دیدیا،
چیف جسٹس ہائیکورٹ نے کہاکہ اس کیس میں اہم ایک عدالتی معاون بھی مقرر کریں گے،عدالت نے سماعت 12دسمبر تک ملتوی کردی۔