لاہور(ای پیآئی) ایچ پی اعت HP اور (نیشنل ایرواسپیس سائنس اینڈ ٹیکنالوجی پارکNASTP) نے پاکستان میں M&P (مُلّر اینڈ فپس) کے تعاون سے NASTP انسٹی ٹیوٹ آف انفارمیشن ٹیکنالوجی (NIIT) میں ایچ پی گیمنگ گیراج لیب کے آغاز کا اعلان کیا ہے۔
نیشنل ایرواسپیس سائنس اینڈ ٹیکنالوجی پارک حکومت پاکستان کی جانب سے اسٹریٹجک قومی اہمیت کے منصوبے کے طور پر تسلیم شدہ ایک اہم ادارہ ہے جو پاک فضائیہ کی سربراہی میں صنعت، تعلیمی اداروں اور حکومت کے درمیان تعاون کو فروغ دیتا ہے تاکہ ایک ترقی پذیر ٹیکنالوجی ایکو سسٹم کو تعمیر کیا جا سکے۔
نئی لیب طلباء کو ای اسپورٹس مینجمنٹ اور گیم ڈویلپمنٹ میں مہارت حاصل کرنے اور ان کا جائزہ لینے کا موقع فراہم کرتی ہےاور جس سے وہ میڈیا، آئی سی ٹی اور ای اسپورٹس کی صنعتوں میں کیریئر کے لیے تیاری کر سکتے ہیں۔
ایچ پی گیمنگ گیراج ایک ایسا اقدام ہے جو دنیا بھر سے سیکھنے والوں کو گیمنگ اور ای اسپورٹس کی صنعت میں داخل ہونے کے لیے ضروری مہارت حاصل کرنےاور اسے فروغ دینے کی حوصلہ افزائی کرتا ہے۔ HP کی مدد آن لائن گیمنگ گیراج ایجوکیشن کورس پلیٹ فارم کے ساتھ ساتھ این آئی آئی ٹی میں نئی لیب کو ایچ پی آل-ان-ون پی سیز اور ویکٹس(Victus) گیمنگ لیپ ٹاپس سے لیس کرنا شامل ہے۔
گیمنگ کے شعبے نے گزشتہ دہائی میں بے مثال عالمی ترقی حاصل کی ہے اور اہم معاشی، ثقافتی اور تکنیکی اثر و رسوخ کے ساتھ مرکزی دھارے کی تفریحی صنعت میں تبدیل ہو گیا ہے۔ دنیا بھر میں پی سی گیمرز کی اندازاً تعداد سنہ2026ء میں 909 ملین تک پہنچ جائے گی جو console سے 33 فیصد آگے سب سے بڑا سیگمنٹ ہے۔ گیمنگ اب نوجوانوں کے روزگار کے بھر پور مواقع پیش کرتا ہے اور معاشی ترقی، مہارت کے حصول اور جدت طرازی کے لیے محرک کے طور پر کام کرسکتا ہے۔
ایچ پی گیمنگ گیراج لیب کا افتتاح پاکستان کے گیمنگ ایکو سسٹم کو فروغ دینے کے ہدف کی حمایت کرے گا جو علاقائی ٹیکنالوجی کے مرکز میں تبدیل ہونے کے عزائم کا حصہ ہے۔ مُلّر اینڈ فِپس کے تعاون سے HP اور NASTP کے مابین تعاون مشترکہ عزم کی نشاندہی کرتا ہے اور ٹیکنالوجی اور تعلیم کے درمیان خلیج کو ختم کرتا ہے۔ یہ لیب مقامی ٹیلنٹ کو پروان چڑھائے گی اور نوجوان ڈیویلپرز، ای اسپورٹس پروفیشنلز اور ڈیجیٹل تخلیق کاروں کے لیے ملک کے ٹیکنالوجی پر مبنی مستقبل میں بامعنی کردار ادا کرنے کی راہ ہموار کرے گی۔
افتتاحی تقریب کے مہمان خصوصی، ائیر آفیسر کمانڈنگ سینٹرل ایئر کمانڈ، ائیر وائس مارشل، محمد عاصم رانا، ستارہ امتیاز (ملٹری) نے کہا کہ ” گیمنگ اور ای اسپورٹس اب محض شوق نہیں رہے۔ یہ عالمی ڈیجیٹل معیشت کا ایک اہم حصہ ہیں۔ تاہم، اس سے فائدہ اٹھانے کے لیے،صحیح مہارت، بنیادی ڈھانچے اور ماحولیاتی نظام کو فروغ دینے کی ضرورت ہے”۔ تعاون اور شراکت داری کی اہمیت پر روشنی ڈالتے ہوئے انہوں نے تمام اسٹیک ہولڈرز کی حوصلہ افزائی کی کہ وہ اس اقدام کو کامیاب بنانے کے لیے مل کر کام جاری رکھیں۔
ایچ پی انکارپوریٹڈ کے کنٹری بزنس منیجر، پاکستان، نواز دھنجی نے کہا: ”ہم پاکستان میں ایچ پی گیمنگ گیراج کے افتتاح پر اپنے مجاز ڈسٹری بیوٹر M&P کے ساتھ تعاون کرنے پر پرجوش ہیں۔ HP میں، ہم سمجھتے ہیں کہ نوجوانوں کے لیے تعلیم تک مساوی رسائی ڈیجیٹل مساوات کی کلید ہے۔ ایچ پی گیمنگ گیراج نصاب کے ذریعے دستیاب مفت گیم ڈویلپمنٹ اور ای اسپورٹس مینجمنٹ کورسز سب کو اپنی صلاحیتوں کو بڑھانے اور ڈیجیٹل معیشت میں کامیابی کے لیے ایک پلیٹ فارم فراہم کرتے ہیں۔“
ملر اینڈ فپس کے چیف ایگزیکٹو آفیسر اور منیجنگ ڈائریکٹر، کامران نشاط نے اس اقدام کی اہمیت پر زور دیتے ہوئے کہا: ”NASTP میں ایچ پی گیمنگ گیراج کا قیام پاکستان کے گیمنگ ایکو سسٹم کی ترقی میں ایک اہم سنگ میل کی حیثیت رکھتا ہے۔عالمی معیار کی ٹیکنالوجی اور سیکھنے کے مواقع فراہم کرنے کا، ہمارا مقصد نوجوان ٹیلنٹ کو ڈیجیٹل معیشت میں کامیاب ہونے کے لیے ضروری مہارتوں سے لیس کرنا ہے۔ یہ تعاون جدت طرازی کو فروغ دینے اور پاکستان کو ایک علاقائی ٹیک ہب میں تبدیل کرنے میں مدد کرنے کے ہمارے عزم کو تقویت دیتا ہے۔“