بیجنگ(ای پی آئی )ایشیئن گیمز کے ہاکی ایونٹ میں پاکستان نے اپنے پہلے میچ شاندار آغاز کرتے ہوئے سنگاپور کو صفر کے مقابلے میں 11 گولز سے شکست دیدی ۔
پاکستان کی جانب سے کھلاڑیوں ارشد لیاقت اور ارباز خان نے ہیٹ ٹرکس بنائیں۔ تفصیل کے مطابق چین کے شہر ہینگزو میں جاری ایشیئن گیمز کے ہاکی ایونٹ کے اپنے پہلے میچ میں پاکستان نے سنگاپور کے خلاف 0-11 کے بڑے مارجن سے فتح حاصل کی۔
پاکستانی ٹیم پہلے کوارٹر میں صرف 1 گول کرسکی تھی لیکن بقیہ 3 کوارٹرز میں اُس نے حریف کے خلاف گولوں کی برسات کردی۔
پاکستان کی جانب سے ارشد لیاقت اور ارباز احمد نے ہیٹ ٹرکس کیں، پاکستان کے بقیہ گول عبدالوحید رانا، افراز، عبدالرحمٰن، عماد اور صفیان خان نے کیے
