بنگلور (ای پی آئی ) بھارت میں ہونے والے آئی سی سی ورلڈ کپ 2023 میں پاکستان آج آسٹریلیا سے ٹکرائے گا جس کیلئے شاہینوں نے کمر کس لی ہے ۔
پاکستان اور آسٹریلیا آج بنگلور کے چنا سوامی سٹیڈیم میں مدمقابل ہوں گے، پاکستان ورلڈ کپ میں اپنے 3 میچز میں سے ایک میں شکست جبکہ 2 جیت چکا ہے جبکہ آسٹریلیا ایک میچ جیت کو دو میں شکست کھائے ہوئے ہے۔
گزشتہ روز پریکٹس سیشن میں کپتان بابر اعظم نے کھلاڑیوں کا مورال بلند کرتے ہوئے کہا تھا کہ میچ ویسے ہی کھیلیں جیسے ٹریننگ کے دوران پرفارمنس دیتے ہیں، مجھے آپ پر سو فیصد یقین ہے۔