دھرم شالا (ای پی آئی ) بھارت میں ہونے والے آئی سی سی ورلڈ کپ 2023 میں آج نیوزی لینڈ اور بھارت کے درمیان کانٹے دار مقابلہ ہوگا ،
دونوں ٹیمیں آج دھرم شالا سٹیڈیم میں آمنے سامنے ہوں گی، میچ پاکستانی وقت کے مطابق ڈیڑھ بجے ہی شروع ہو گا۔
ورلڈ کپ میں دونوں ٹیمیں اب تک ناقابل شکست ہیں جس کے باعث سخت مقابلے کی توقع کی جا رہی ہے ۔ دونوں ٹیموں میں سے جو فاتح ہوا اسے پوائنٹس ٹیبل پر ٹاپ پوزیشن مل جائے گی۔
واضح رہے کہ پوائنٹس ٹیبل پر نیوزی لینڈ اس وقت پہلی جبکہ بھارت دوسری پوزیشن پر ہے اور نیوزی لینڈ کو اپنی پوزیشن برقرار رکھنے کیلئے بھارت کو ہرانا ہو گا۔