لاہور (ای پی آئی ) بھارت میں ہونے والے آئی سی سی کرکٹ ورلڈ کپ 2023 میں آج پاکستان اپنا اہم میچ نیوزی لینڈ کے درمیان کھیلے گا سیمی فائنل کی دوڑ میں رہنے کیلئے قومی ٹیم کو اچھے مارجن کے ساتھ کیویز کو ہرانا ضروری ہے۔
عالمی ایونٹ کے 35 ویں میچ میں پاکستان اور نیوزی لینڈ کی ٹیمیں پاکستانی وقت کے مطابق صبح 10 بجے بھارت کے شہر بنگلور کے ایم چنا سوامی کرکٹ سٹیڈیم میں اتریں گی، گرین شرٹس کو فائنل فور مرحلے کی دوڑ میں رہنے کیلئے نیوزی لینڈ کو اچھے مارجن سے ہرانا ضروری ہے،
پاکستان کے پاس سیمی فائنل کی دوڑ میں شامل ہونے کا آج بھی موقع ہے۔پاکستانی ٹیم نے اہم میچ سے قبل بھر پور پریکٹس کی، کھلاڑیوں نے بیٹنگ، باؤلنگ اور فیلڈنگ کی مشقیں کیں، حسن علی اور فخر زمان نے بھی پریکٹس سیشن میں حصہ لیا،
قومی ٹیم میں نیوزی لینڈ کیخلاف میچ میں ایک تبدیلی کیے جانے کا امکان ہے، ٹیم میں سپنر اسامہ میر کی جگہ فاسٹ باؤلر حسن علی کو شامل کرنے کی توقع ہے۔باہمی ون ڈے میچز میں پاکستان کو نیوزی لینڈ پر برتری
جبکہ ورلڈ کپ کے دوسرے میچ میں آسٹریلیا اور انگلینڈ کی ٹیموں کے درمیان مقابلہ ہو گا۔36 ویں میچ میں انگلینڈ اور آسٹریلیا کی ٹیمیں پاکستانی وقت کے مطابق دوپہر ڈیڑھ بجے بھارتی شہر احمد آباد کے نریندر مودی کرکٹ سٹیڈیم میں آمنے سامنے ہوں گی۔
آسٹریلیا کی ٹیم میگا ایونٹ میں 6 میچز کھیل کر 4 میں کامیاب ہو چکی اور 2 میں ناکام رہی ہے، انگلینڈ کی ٹیم بھی ٹورنامنٹ میں 6 میچز کھیل چکی جن میں سے صرف ایک میں کامیاب جبکہ 5 میں ناکام رہی۔