تربت(ای پی آئی )بلوچستان میں ضلع کیچ کے علاقے بالگتر میں سڑک کنارے نصب بم کے دھماکے میں تین افراد جاں بحق ہوگئے ،
ذرائع کے مطابق دھماکے میں ایک گاڑی کو نشانہ بنایا گیا اور جاں بحق افراد اسی گاڑی میں سوار تھے۔ جاں بحق افراد کا تعلق بالگتر سے بتایا جاتا ہے جن میں دو بھائی بھی شامل ہیں۔
دھماکے کی اطلاع ملتے ہی سیکیورٹی فورسز موقع پر پہنچ گئیں۔ سیکیورٹی فورسز اور پولیس نے جائے وقوعہ پرپہنچ کولاشوں کواسپتال منتقل کیا،علاقے کو گھیرے میں لے کر ملزمان کی تلاش شروع کردی۔