اسلام آباد(ای پی آئی ) ملک بھر میں مہنگائی کے بوجھ کے باعث اذیت میں مبتلا عوام پر ایک بار پھر بجلی بم گرانے کی تیاریاں مکمل کر لی گئی ہیں ،
ذرائع کے مطابق بجلی کی قیمت میں 3 روپے 53 پیسے تک کا اضافہ متوقع ہے ،جس سے بجلی صارفین پر40ارب روپے کا اضافی بوجھ پڑے گا
ذرائع کے مطابق سینٹرل پاور پرچیزنگ ایجنسی (سی پی پی اے) کی جانب سے بجلی مہنگی کرنے کے لیے نیشنل الیکٹرک پاور ریگولیٹری اتھارٹی (نیپرا) میں درخواست دائرکردی ہے۔ 3 روپے 53 پیسے فی یونٹ کا اضافہ اکتوبر 2023ء کی ماہانہ فیول ایڈجسٹمنٹ کی مد میں مانگا گیا ہے۔
بجلی مزید مہنگی کرنے کی سی پی پی اے کی درخواست پرنیپرا29نومبرکو سماعت کرے گا۔
ذرائع کے مطابق من وعن اضافےکاجی ایس ٹی سمیت بجلی صارفین پر تقریباً 40 ارب روپےکابوجھ پڑے گا ۔ بجلی کی قیمت میں اضافے کا اطلاق کےالیکٹرک صارفین پر نہیں ہوگا ۔