کینبرا(ای پی آئی )دورہ آسٹریلیا پر موجود پاکستان کرکٹ ٹیم نے پرائم منسٹر الیون کے خلاف 4 روزہ میچ میں پہلے روز 6 وکٹوں کے نقصان پر 324 رنز بنالیے ہیں۔
کینبرا میں جاری چار روزی میچ میں قومی ٹیم کے کپتان شان مسعود نے ٹاس جیت کر پہلے بیٹنگ کرنے کا فیصلہ کیا، اوپنر امام الحق اور عبداللہ شفیق نے اننگز کا آغاز کیا، لیکن امام الحق 9 رنز بناکر پویلین لوٹ گئے جبکہ عبداللہ شفیق 38 رنز بناسکے۔
جس کے بعدکپتان شان مسعود اور بابراعظم کے درمیان تیسری وکٹ کی شراکت میں 92 رنز بنائے جس کے بعدبابر اعظم 40 رنز بناکر آؤٹ ہوئے، سعود شکیل 13 اور سرفراز احمد 41 رنز بناکر نمایاں رہے۔
جبکہ پہلے روز کے کھیل اختتام سے محض 2 بال قبل فہیم اشرف 17 رنز بناکر وکٹ گنوا بیٹھے۔
قومی ٹیم کے کپتان شان مسعود 13 چوکوں اور ایک چھکے کی مدد سے 156 رنز بناکر کریز پر موجود ہیں۔
پرائم منسٹر الیون کی جانب سے جارڈن بکنگھم نے 3 جبکہ مارک اسکیڈی اور ٹوڈ مرفی نے ایک ایک وکٹ حاصل کی۔
