پرتھ (ای پی آئی ) پاکستان اور آسٹریلیا کے درمیان ٹیسٹ سیریز کے پہلے ٹیسٹ میچ میں آسٹریلیا کے 487 رنز کے جواب میں 271 رنز بنا کر آؤٹ ہو گئی ۔
تفصیل کے مطابق پاکستان اور آسٹریلیا کے درمیان کھیلے گئے پہلے ٹیسٹ میچ کے تیسرے روز پاکستان نے 2 وکٹوں کے نقصان پر 132 رنز سے اننگز کا آغاز کیا تو آسٹریلیا کے باؤلرز نے شاندار باؤلنگ کا سلسلہ جاری رکھتے ہوئے پاکستانی بیٹسمینوں کو پچ پر زیادہ دیر تک ٹکنے نہ دیا اور چائے کے وقفے تک پاکستان کی پوری ٹیم مزید 139 رنز کا اضافہ ہی کر سکی اور پویلین لوٹ گئی
آسٹریلیا کی جانب سے نیتھن لائن نے 3 مچل اسٹارک اور پیٹ کمنز نے دو دو وکٹیں حاصل کیں جبکہ ٹریوس ہیڈ ،مچل مارش اور جوش ہیزل نے ایک ایک وکٹ حاصل کی ۔