سڈنی (ای پی آئی ) پاکستان اور آسٹریلیا کے درمیان ٹیسٹ سیریز کے تیسرے ٹیسٹ میچ کے لئے پاکستان نے 11 کھلاڑیوں کا اعلان کر دیا ہے
آسٹریلیا کے شہر سڈنی میں کھیلے جانے والے آخری ٹیسٹ میچ میں پاکستان کی جانب سے اعلان کردہ کھلاڑیوں میں کپتان شان مسعود، اوپنر صائم ایوب، عبداللہ شفیق، بابراعظم، سعود شکیل، محمد رضوان، سلمان علی آغا، ساجد خان، حسن علی، میر حمزہ اور عامر جمال شامل ہوں گے۔
سڈنی ٹیسٹ میں امام الحق اور شاہین آفریدی کو ڈراپ کرنے کا فیصلہ کیا گیا جبکہ اوپنر صائم ایوب ٹیسٹ ڈیبیو کریں گے،جبکہ شاہین آفریدی کی جگہ ساجد خان کو موقع دیا گیا ہے
واضح رہے کہ پاکستان اور آسٹریلیا کے درمیان سیریز کا تیسرا اور آخری ٹیسٹ میچ کل سے سڈنی میں شروع ہوگا، آسٹریلیا کو سیریز میں دو صفر کی فیصلہ کُن برتری حاصل ہے۔