کراچی(ای پی آئی) پاکستانی اداکارہ یشما گل نے ایک انٹرویو میں اپنی شادی کے حوالے سے گفتگو کرتے ہوئے کہا ہے کہ فیملی کے ذریعے ان کیلئے آنے والے تمام رشتوں میں اداکاری چھوڑنے کی شرط شامل ہوتی ہے۔
تفصیلات کے مطابق اداکارہ یشماگل نے ایک انٹرویو میں اپنے کیریئراورذاتی زندگی مختلف پہلوئوں کے بارے میں بتایاکہ اداکاری نے ہی مجھے پہچان دی ہے اور اس شعبے سے میرا اس قدر جذباتی لگا ہے کہ جس کی وجہ سے میرے لیے انڈسٹری چھوڑنا مشکل ہو گیا ہے۔
اداکارہ نے کہا کہ ہمارے معاشرے میں بالخصوص لڑکیوں کا اسکرین پر نظر آنا مناسب نہیں سمجھا جاتا، میرے لیے خاندان کے ذریعے جو بھی رشتے آئے ہیں ان میں یہ شرط شامل ہوتی ہے کہ اداکاری چھوڑنی پڑے گی، میں کہتی ہوں کہ ایک یہی کام ہے جس کی میں ماہر ہوں اور میں ایسی زندگی کا تصور نہیں کر سکتی جس میں میں اپنے بجائے کسی اور پر انحصار کروں۔
ان سے پوچھا گیاکہ کیا وہ محبت کی خاطر اداکاری چھوڑنے پر راضی ہوجائیں گی؟تو جواب میں یشما گل نے کہا کہ اگر مجھے اس کے ساتھ تحفظ کا احساس ہو، مجھے یقین ہو کہ وہ شخص واقعی مجھ سے سچی محبت کرتا ہے اور اپنے تمام وعدے پورے کرے گا تو میں اپنے کیریئر کو اس کیلئے قربان کر سکتی ہوں۔
