کراچی (ای پی آئی )پاکستانی فلم انڈسٹری کی معروف اداکارہ میرا نے ایک انٹرویو کے دوران اپنی شادی کے حوالے سے بیان دیا ہے جو کہ سوشل میڈیا پر موضوع بحث بن گیا ہے۔
پاکستان فلم انڈسٹری کی مشہور اداکارہ میرا جو 1990 کی دہائی سے فلم انڈسٹری کا حصہ ہیں، اپنی بہترین اداکاری اور منفرد بیانات کی وجہ سے مشہور ہیں سے دوران انٹرویو جب سوال کیا گیا کہ نیلم منیر کی شادی ہو گئی تو میرا نے جذباتی انداز میں کہا، ’مجھے بہت افسوس ہے کہ میں اب تک شادی نہیں کر سکی۔ کوئی مجھ سے محبت نہیں کرتا اور نہ ہی مجھ سے شادی کرنا چاہتا ہے۔
‘یہ کہتے ہوئے میرا وہاں سے اُٹھ کر چلی گئیں جس پر سوشل میڈیا صارفین نے اس رپورٹر پر شدید تنقید کی اور کہا کہ اسے اداکارہ سے ایسا سوال ہی نہیں کرنا چاہیئے جس سے انہیں تکلیف پہنچے۔
سوشل میڈیا پر کچھ صارفین نے میرا کے لیے نیک خواہشات کا اظہار کیا، جبکہ چند نے انہیں وقت پر شادی نہ کرنے پر تنقید کا نشانہ بنایا۔
