لاہور(ای پی آئی)پاکستان شوبز انڈسٹری کے اداکار فیصل رحمان نے اپنے ایک انٹرویو کے دوران مختلف سوالات کے کھل کر جوابات دیئے اس موقع پر انھوں نے اپنی شادی کے حوالے سے کئے گئے سوال کا بھی جواب دیا ،
انھوں نے اپنی شادی کے سوال پر کہا کہ تاحال وہ اپنی غیر شادی شدہ زندگی میں بے حد خوش ہیں لیکن ان کے ماضی میں کئی تعلقات رہے ہیں۔ انھوں نے کہا کہ انہیں کمیٹمنٹ فوبیاہے اور وہ اپنی سنگل زندگی سے مطمئن ہیں ،یہی وجہ ہے کہ کئی مرتبہ ایسا بھی ہوا کہ بات شادی کے قریب بھی پہنچی لیکن بات نہ بن سکی۔
ا ن کا مزید کہنا تھا کہ جب وہ اپنی زندگی میں کسی کو شامل کرنا چاہتے تھے، انہیں یہ خواہش تھی کہ کوئی ان کے قریب ہو جس سے وہ بات کر سکیں لیکن اب وہ ایسی کسی خواہش کا احساس نہیں کرتے،وہ اپنی تنہائی میں خوش ہیں اور شادی کی خواہش اب ان کے دل سے ختم ہو چکی ہے۔