اسلام آباد(ای پی آئی )دو روز قبل ملک میں ہونے والے بجلی کے بڑے بریک ڈاون پر این ٹی ڈی سی نے ابتدائی رپورٹ تیار کر لی ہے
۔تفصیلات کے مطابق این ٹی ڈی سی نے اپنی رپورٹ میں کہا ہے کہ فریکوئنسی میں اتار چڑھاوکے باعث 500 کے وی ٹرانسمیشن لائنز پر ٹرپنگ ہوئی ، ٹرپنگ کی وجہ سے این ٹی ڈی سی اور کے الیکٹرک کا سسٹم متاثر ہوا
،سسٹم متاثر ہونے سے 11 ہزار 356 میگا واٹ بجلی سسٹم سے نکل گئی، بریک ڈاون سے پہلے سسٹم کی فریکوئنسی 50 میگا ہرٹز تھی ، فریکوئنسی اچانک بڑھ کر 50.75 میگاہرٹز تک پہنچ گئی،
فریکوئنسی کے اچانک بڑھنے سے سسٹم پر لوڈ اور وولٹیج غیر متوازن ہوئے ، بنیادی فالٹ گڈو ٹرانسمیشن لائنز میں آیا، تربیلا ، منگلااور وارسک سے بحالی کا عمل فوری شروع کیا گیا ، تربیلا ، منگلا اور وارسک میں متعدد بار ٹرپنگ ہوئی۔
