کراچی (ای پی آئی)انٹر بینک مارکیٹ میں کاروبار کے آغاز کے کچھ ہی دیر کے بعد ایک مرتبہ پھر سے ڈالر کی قیمت میں مزید اضافہ ہو گیاہے ۔
تفصیلات کے مطابق انٹربینک مارکیٹ میں ڈالر 2.40 روپے مزید مہنگا ہونے کے بعد 265 روپے پر ٹریڈ کرتا رہا جبکہ گزشتہ کاروباری ہفتے کے آخری روز ڈالر 262.60 روپے پر بند ہوا تھا
دوسری جانب سٹاک مارکیٹ میں بھی کاروبار کے آغاز کے بعد اضافہ دیکھنے میں آ رہاہے ، شیئرز کا لین دین شروع ہو تو انڈیکس 40 ہزار 450 پوائنٹس پر تھا جس میں کچھ ہی دیر کے بعد 68 پوائنٹس کا اضافہ ہوا اور انڈیکس 40 ہزار 518 پوائنٹس پر پہنچ گیا ۔
