لاہور (ای پی آئی)پاکستان شوبز انڈسٹری کی معروف گلوکارہ اور اداکارہ حدیقہ کیانی ترکیہ ، شام اور لبنان میں آنے والے زلزلے کے متاثرین کی امداد کے لیے میدان میں آگئی ہیں،
سماجی رابطے کی ویب سائٹ ٹوئٹر پر اپنے ایک بیان میں حدیقہ کیانی نے لکھا کہ میرا دل ترکیہ، شام، لبنان اور زلزلے سے متاثر ہونے والے تمام لوگوں کے ساتھ ہے، میں متاثرین کے لیے دعا کررہی ہوں اور یہ جاننے کی کوشش کررہی ہوں کہ ان تک امدادی سامان کس طرح پہنچایا جاسکتا ہے۔
گلوکارہ نے صارفین سے گزارش کرتے ہوئے لکھا کہ براہ کرم، اگر کسی کے پاس متاثرہ علاقوں میں موجود بھروسہ مند خیراتی ادارے یا تنظیموں کے بارے میں معلومات ہیں تو شیئر کریں۔
