اسلام آباد(ای پی آئی)پاکستان شوبز انڈسٹری کے سینئر اداکار اعجاز اسلم نے کم عمری میں شادی پر بات کرتے ہوئے کہا ہے کہ میرے والدین نے میری کم عمری میں شادی کروا دی تھی۔
نجی ٹی وی پروگرام میں بات کرتے ہوئے انہوں نے کہا کہ جب مجھے ماڈلنگ اور اداکاری کرتے دیکھا تو انہوں نے میری شادی کے بارے میں فیصلہ کر لیا تھا۔اعجاز اسلم کا کہنا ہے کہ میری شادی بہت جلدی ہو گئی تھی حتی کہ میں اکلوتا بیٹا تھا اور میری 3 بہنیں تھیں۔
اداکار نے مزید کہا کہ اکلوتا ہونے کی وجہ سے خاندان کا بہت دباو تھا اس لیے چھوٹی عمر میں شادی کرنی پڑی۔ان کا یہ بھی کہنا ہے ک انہوں نے شادی کے بعد کیریئر پر توجہ دی جس میں گھر والوں نے انہیں بہت سپورٹ کیا۔
