کراچی (ای پی آئی )پاکستان کی معروف اداکارہ حمائمہ ملک بھتیجے فیروز خان کے بیٹے کی کسٹڈی ملنے پر خوشی سے نہال ہوگئیں۔
انہوں نے انسٹاگرام پر اپنے بھائی اور اداکار فیروز کی جانب سے شیئر کی گئی ویڈیو کو ری شیئر کیا۔
انسٹا اسٹوری میں شیئر کی گئی اس مختصر ویڈیو میں فیروز خان کو بیٹے سلطان کے ہمراہ دیکھا جاسکتا ہے۔
اداکارہ حمائمہ ملک نے مذکورہ ویڈیو کلپ کے کیپشن میں لکھا کہ ’بلآخر میرا سلطان اور ابو سلطان ایک ساتھ ہیں، ماشااللہ‘۔
یاد رہے کہ عدالت نے اداکار فیروز خان کی موسم گرما کی چھٹیوں میں بچوں کی حوالگی کے کیس کی سماعت کے دوران بیٹے سلطان کو 19 سے 24 جولائی تک فیروز خان کے حوالے کیا تھا جبکہ بیٹی فاطمہ کو 2 دن کے لیے دوپہر 12 سے شام 6 بجے تک دینے کی ہدایت کی تھی۔