کوئٹہ (ای پی آئی ) پاک فوج کے شعبۂ تعلقاتِ عامہ (آئی ایس پی آر) کے مطابق کوئٹہ کے علاقے تنگی ولی میں دہشت گردوں کا سیکیورٹی فورسز پر حملہ ۔
دہشت گردوں اور سیکیورٹی فورسز کے درمیان فائرنگ کا تبادلہ کے نتیجے میں 3 دہشت گرد ہلاک ہوئے ہیں۔
آئی ایس پی آر کا کہنا ہے کہ فائرنگ کی زد میں آ کر پاک فوج کے صوبے دار قیصر رحیم شہید ہو گئے جبکہ 1 سپاہی شدید زخمی ہوا ہے۔
پاک فوج کے شعبۂ تعلقاتِ عامہ کا کہنا ہے کہ سیکیورٹی فورسز دہشت گردی کی لعنت کو ختم کرنے کے لیے پُرعزم ہیں۔آئی ایس پی آر کا مزید کہنا ہے کہ بہادر سپاہیوں کی قربانیاں ہمارے عزم کو مزید مضبوط کرتی ہیں۔پاک فوج کے شعبۂ تعلقاتِ عامہ کے مطابق دہشت گردوں نے سیکیورٹی فورسز پر حملہ گزشتہ روز (14 ستمبر کی شام) کیا تھا۔