مہاراشٹر (ای پی آئی )بھارتی ریاست مہاراشٹر میں دریا میں پھنسے کتے کو تین مگرمچھوں نے ہمدردی کا حیرت انگیز مظاہرہ کرتے ہوئے بچالیا۔
میڈیا رپورٹس کے مطابق واقعہ بھارتی ریاست مہاراشٹر میں پیش آیا جہاں ایک کتا جنگلی کتوں سے بچنے کے لیے دریائے ساوتری کے گہرے پانیوں میں داخل ہوگیا اس بات سے لاعلم کہ دریا میں مگرمچوں کا غول ہے۔
دریائے ساوتری میں ’موقع پرست شکاری‘ مگرمچھ موجود ہیں تاہم حیرت انگیز طور پر مگرمچھوں نے کتے کو شکار کرنے کے بجائے، اُسے حفاظت سے کنارے پر دھکیل دیا۔
صرف یہی نہیں بلکہ مگرمچھوں نے کتے کو دریا کے کنارے کے ایک ایسے علاقے تک پہنچایا جہاں جنگلی کتے موجود نہیں تھے، جس سے کتے کو محفوظ طریقے سے فرار ہونے کا موقع مل گیا۔