مکوآنہ (ای پی آئی)عالمی بنک کی جانب سے ایک سروے رپورٹ میں انکشاف ہوا ہے کہ سکولز سے باہر بچوں کی تعداد میں پاکستان دنیا کا دوسرا بڑا ملک بن گیا ہے۔
جاری سروے رپورٹ کے مطابق دنیا بھر میں 24 کروڑ 40 لاکھ تک بچے سکول سے باہر ہیں جبکہ پاکستان میں 6 سے 16 برس تک کے 2 کروڑ بچے سکول نہیں جاتے۔
سروے کے مطابق صوبہ پنجاب میں تاحال 70 لاکھ بچے سکول سے باہر ہیں، عالمی بنک کے تعاون سے پنجاب میں سکول جانے والے بچوں کی تعداد دو گنی ہو گئی،
2020ء تک پنجاب میں سکول جانے والے بچوں کی تعداد 2 کروڑ 60 لاکھ ہے2003ء سے عالمی بنک پاکستان میں 1.5 ارب ڈالر تعلیمی نظام پر خرچ کر چکا، سکولز سے باہر بچوں کی انرولمنٹ کیلئے تعلیمی نظام میں اصلاحات ضروری ہیں۔