لاہور (ای پی آئی ) مسلم لیگ (ن) کے قائد نوازشریف نے برطانیہ اور یورپ کے وفد سے گفتگو کرتے ہوئے کہا کہ وزیراعظم بننے کے بعد میری پہلی اور آخری ترجیح معیشت کی بحالی ہے۔
سابق وزیراعظم کا کہنا تھا کہ پاکستان کو معاشی میدان میں مستحکم کرنے کیلئے سب کو کردار ادا کرنا ہو گا۔ ترقی کا سفر وہیں سے شروع ہو گا جہاں سے ختم کیا گیا تھا۔
انہوں نے کہا کہ عوام ووٹ کی طاقت سے احتساب کریں گے، پاکستان کو معاشی بدحالی، مہنگائی و بیروزگاری سے نکالیں گے۔ اوورسیز پاکستانی سرمایہ کاری سے ملکی صنعت، انڈسٹری چلانے میں کردار ادا کریں۔
عوام ملکی ترقی و خوشحالی میں رکاوٹ بننے والوں کو معاف نہیں کریں گے۔