فلسطین اسرائیل جنگ کا دسواں روز، لائیو اپ ڈیٹس

غزہ (ای پی آئی)فلسطین اوراسرائیل کے درمیان جنگ کا دسواں روز غزہ پراسرائیلی بربریت سے معصوم بچوں کے جسم چھلنی ، ہزاروں افراد شہید ، فلسطینی مجاہدین کےحوصلے چٹان کی طرح مضبوط بھرپور جوابی کارروائیوں کا سلسلہ جاری ، حزب اللہ نے اسرائیلی بربریت کے خلاف بڑا قدم اٹھا لیا ہے.

إسرائيل فلسطين جنگ دسویں روز بھی جاری ، غزہ میں شہداء کی تعداد 2700 سے تجاوز کر گئی، 9000 سے زائد افراد زخمی ہیں، اسرائیل میں ہلاکتوں کی تعداد 1409 ہو گئی،

وہ لمحات جب ایک ماں کو پتہ چلا کہ اس کا بیٹا اور بیٹی دونوں غزہ میں اسرائیلی فضائی حملے میں شہید ہوگئے ۔۔۔

امریکہ کے مشی گن میں ہزاروں لوگ فلسطین کی حمایت میں سڑکوں پر نکل آئے۔

معروف بھارتی اداکارہ سونم کپور بھی فلسطینی عوام کے حق میں بول پڑیں ۔۔
بھارت کی اسرائیل سے حمایت اور فلسطین سے نفرت کے درمیان بالی ووڈ کی معروف اداکارہ سونم کپور نے فلسطینی عوام کے ساتھ اظہار یکجہتی کرتے ہوئے پیغام جاری کردیا۔گزشتہ ایک ہفتے سے فلسطین پر اسرائیل کی جانب سے شدید بمباری جاری ہے، اسرائیل فلسطین کشیدگی بڑھتی جارہی ہے، ایسے میں پاکستان سمیت دنیا بھر کے فنکار اور معروف شخصیات فلسطین کے لیے اپنی آواز بُلند کررہے ہیں۔ان شخصیات میں بالی ووڈ اداکارہ سونم کپور بھی شامل ہوگئی ہیں جنہوں نے نتائج کی پراوہ کیے بغیر فلسطین کی حمایت کردی ہے اور اس کے بعد بھارتیوں کی جانب سے اداکارہ کو تنقید کا نشانہ بنانے کا سلسلہ بھی شروع ہوگیا ہے۔سونم کپور نے اپنے آفیشل انسٹاگرام ہینڈل پر اسٹوریز پوسٹ کیں جن میں مظلوم فلسطین سے اظہار یکجہتی کیا گیا۔اداکارہ کی پہلی انسٹاگرام اسٹوری میں لکھا تھا کہ ‘غزہ میں آدھی عوام بچوں پر مشتمل ہے’۔سونم کپور نے اگلی اسٹوری میں نکولس کرسٹوف کے تحریر کردہ مضمون کا ایک اقتباس پوسٹ کیا جس میں اسرائیلی بچوں کی حمایت جبکہ فلسطینی بچوں کے ساتھ بےحسی کی مذمت کی گئی تھی۔

مصری وزیر خارجہ سامح شکری کا کہنا ہے کہ مصر کا مقصد تازہ ترین اسرائیل اور فلسطین کا مسئلہ شروع ہونے کے بعد سے رفح کراسنگ کو فعال رکھنا ہے لیکن اسرائیل نے غزہ کی جانب سے اس کی اجازت نہیں دی ہے۔سامح شکری نے غزہ میں فلسطینی عوام کو درپیش صورتحال کو "خطرناک” قرار دے دیا۔

خان یونس پر اسرائیلی فضائی حملے کے بعد کے مناظراسرائیلی بمباری سے زمین پر بڑا گڑھا بن گیا

جگہ کی کمی کے باعث غزہ میں شہداء کی اجتماعی تدفین :

CNNلائیو شو پر اسرائیلی آرمی آفیسر کا تشویشناک بیان سامنے آگیا ۔
اسرائیلی فوج کے افسر بیتزل طلجہ کا کہنا ہے کہ ” ہماری جنگ صرف حماس کے ساتھ نہیں، بلکہ تمام فلسطینی شہریوں کے ساتھ ہے جو ہمیں مارنا چاہتے ہیں”

غیر ملکی نیوز ایجنسی نے فلسطینی قیدیوں کے حوالے سے اطلاع دی ہے کہ "اسرائیلی فورسز نے مقبوضہ مغربی کنارے میں رات بھر اور پیر کی صبح چھاپوں میں دو صحافیوں سمیت 70 افراد کو حراست میں لے لیا ہے جن میں کم از کم 28 افراد کو ہیبرون میں گرفتار کیا گیا جبکہ دیگر واقعات نابلس، رام اللہ اور بیت المقدس میں ہوئے۔

جنوبی غزہ میں اسرائیل کے حملوں میں اقوام متحدہ کی ریلیف اینڈ ورکس ایجنسی کے وئیرہاوس کی تباہ کن حالت

حماس کا خوف، اسرائيل کے فوجیوں نے غزہ بارڈر کے قریب اپنے ہی شہری کو حماس کا جنگجو سمجھ کر فائرنگ کر کے حلاک کر دیا۔

غزہ کی وزارت داخلہ کا کہنا ہے کہ اسرائیل کی مسلسل بمباری سے تباہ ہونے والی عمارتوں کے ملبے تلے 1000 سے زائد افراد کی لاشیں بوسیدہ ہو رہی ہیں جس سے انسانی اور ماحولیاتی بحران کا خطرہ ہے۔

چین کے وزیر خارجہ وانگ یی نے بیجنگ سے اسرائیل اور غزہ میں جنگ بندی کی اپیل کر دی اور کہا کہ "اقوام متحدہ کی سلامتی کونسل کو ایکشن لینا چاہیے اور بڑی طاقتوں کو فعال کردار ادا کرنا چاہیے۔ یہ ضروری ہے کہ جنگ بندی کی جائے اور دونوں فریقوں کو دوبارہ مذاکرات کی میز پر لایا جائے”
ان کا مزید کہنا ہے کہ اب مزید انسانی تباہی کو روکنے کی کوشش کرنی ہوگئی۔

صدرمملکت عارف علوی کی اسرائیل کی جانب سے فلسیطنیوں پر مظالم کی شدید مذمت،
اسرائیل نے تمام حدیں پار کر دیں ، عالمی برادری اسرائیل کو روکنے میں ناکام رہی۔ اقوام متحدہ اور او آئی سی فوری اجلاس بلائیں ۔ صدر عارف علوی کا سوشل میڈیا پر بیان

فلسطین میں صورتحال بگڑی توخاموش نہیں رہیں گے ، ایرانی وزیر خارجہ
غزہ جنگ کا دائرہ وسیع ہوا تو امریکا کو بھاری نقصان اٹھانا پڑے گا۔ ایرانی وزیر خارجہ نے خبردارکردیا ۔ اسرائیل امریکی سہارے پر کھڑا ہے ۔ ایک ہفتے کی جنگ نے بتا دیا ہے اسرائیل یہ جنگ نہیں جیت سکتا ، ہم نے جنگ میں حصہ لیا تو اسرائیل کے ایوان لرز اٹھیں گے ۔ ابھی کئی صیہونی بستیاں القسام کی گرفت میں ہیں ۔ اسرائیل نے اپنا راستہ نہ بدلا تو مزاحمتی تحریک کے خطے کا نقشہ بدل دیں گی۔ امیر عبدالحیان

بین الاقوامی برادری سے غزہ میں رضاکارانہ صحت کے کارکنوں کے لیے اپیل کر دی گئی:
شفا ہسپتال کے ڈائریکٹر محمد ابو سلمیہ کا کہنا ہے کہ ان کے پاس موجود عملہ بمشکل اس قابل ہے کہ وہ اتنی بڑی ذمہ داری سنبھال سکیں۔ ان کا مذید کہنا ہے کہ ہماری طبی ٹیمیں متاثرین اور زخمیوں کی بڑی تعداد کو اکیلے قابو نہیں کرسکتی اور ہماری پوری ٹیم مکمل طور ہر تھک چکی ہے

غزہ میں بمباری زندگی کے آثار ختم ہونے لگے ، ہزاروں بے گھر افراد مدد کیلئے پکار رہے ہیں ، لگتا ہے دنیا سے انسانیت مر چکی ، عالمی برادری غزہ کا محاصرہ ختم کرائے ، سربراہ یو این ریلیف اینڈ ورکس رینی کی اپیل ، محاصرے میں موجود لوگوں کی زندگی کو شدید خطرات لاحق ہیں ، 20لاکھ سے زائد شہری شدید مشکلات کا شکار ہیں ۔ ایمنسٹی انٹرنیشنل فلسطینیوں کیلئے اسرائیل کی وارننگ کو جبری بے دخلی قرار دے دیا۔ اسرائیلی فورسز کی ہدایت موثر وارننگ نہیں جو جبری بے دخلی ہے ۔

فلسطین میں اقوام متحدہ کے انسانی ہمدردی کی رابطہ کار "لین ہیسٹنگز کا کہنا ہے کہ "اسرائیل کہ رہا ہے وہ حماس کو تباہ کرنا چاہتا ہے، لیکن اسرائیل غزہ کو تباہ کر رہا ہے”

خان یونس اور دیگر جنوبی علاقوں میں اسرائیلی بمباری جاری، کچھ دیر پہلے اسرائیلی کی تازہ ترین بمباری میں زخمی ہونے والے افراد کو لے کر خان یونس کے ایک اسپتال میں پانچ ایمبولینسیں پہنچیں جن میں خواتین اور بچوں سمیت متعدد افراد شدید زخمی ہیں۔خان یونس ہسپتال کا کہنا ہے کہ ان کے پاس ایندھن ختم ہو رہا ہے ان کا مذید کہنا ہے کہ وہ ان کے پاس موجود ایندھن 24 گھنٹے سے بھی کم وقت میں ختم ہوسکتا ہے

کولمبیا کے صدر گسٹاو پیٹرو:
اگر ہمیں اسرائیل کے ساتھ خارجہ تعلقات کو معطل کرنا پڑا تو ہم انہیں معطل کر دیں گے۔ ہم نسل کشی کی حمایت نہیں کرتے ❞ غزہ پر اسرائیلی فوج کے حملوں پر انہوں نے اسرائیل کے ساتھ سفارتی تعلقات منقطع کرنے کی دھمکی دے دی۔

اسرائیلی فورسز کا مقبوضہ مغربی کنارے میں راتوں کو گھروں میں چھاپے مارنے کا سلسلہ کئی مہینوں سے جاری ہے لیکن سات اکتوبر کے بعد چھاپوں میں نمایاں اضافہ ہوا ہے، کل سے اسرائیلی فورسز کی طرف راتوں رات کئی درجن چھاپے مارے گئے جس میں زیر حراست افراد کی تعداد تقریباً 600 ہوگئی ہے۔ ان حراستوں میں زیادہ تر کو بغیر کسی الزام کے حراست میں لیا گیا ہے جسے اسرائیل انتظامی حراست کہتا ہے۔ ان لوگوں کی گرفتاری کی وجوہات نہ ان کے وکلاء جانتے ہیں یا کوئی افراد، یہ گرفتاری صرف اسرائیل ہی جانتا ہے

امریکی صدر جو بائیڈن کا اسرائیل کا دورہ کرنے پر غور جاری، اسرائیل کے دورے میں ایران کی طرف سے اشتعال انگیزی اور عرب ممالک کی طرف سے کسی جاریحانہ اقدام پر بات چیت متوقع ہو سکتی ہے۔ جبکہ جرمن کے ایک نشریاتی ادارے نے سرکاری ذرائع کے حوالے سے رپورٹ کیا ہے کہ جرمن چانسلر اولاف شولز بھی منگل کو اسرائیل کا دورہ کریں گے۔یاد رہے کہ جرمن وزیر خارجہ اینالینا بیئربوک گزشتہ ہفتے اسرائیل میں تھیں۔

معروف فٹبالر کریم بینزیما نے اپنی ٹویٹ میں غزہ میں ہونے والے ’غیر منصفانہ بمباری‘ کی مذمت کرتے ہوئے کہا کہ "ہماری تمام دعائیں غزہ کے ان لوگوں کے لیے ہے جو ایک بار پھر اسرائیل کے ان ظالمانہ بمباری کا شکار ہیں جن میں کسی عورت یا بچے کو بھی نہیں بخشا جارہا۔

ملائیشیا کے وزیر اعظم کا حماس کی حمایت میں بیان، ان کا کہنا ہے کہ وہ فلسطینی مسلح گروپ حماس کی مذمت کے لیے مغربی دباؤ میں نہیں آنے والے، انور ابراہیم نے پارلیمنٹ کو بتایا کہ ملائیشیا کا ایک پالیسی کے طور پر حماس کے ساتھ تعلق ہے اور یہ سلسلہ جاری رہے گا۔

فلسطینی سول ڈفینس کی ٹیم کا کہنا ہے کہ غزہ میں اسرائیلی فضائی حملوں سے تباہ ہونے والی عمارتوں کے ملبے تلے ایک ہزار سے زائد افراد لاپتہ ہیں جبکہ غزہ پر اسرائیلی حملوں میں اب تک 2,670 سے زائد افراد شہید اور کم از کم 9,600 زخمی ہو چکے ہیں۔

ایک بچہ تین اسرائیل کے فوجیوں کا سامنا کرتے ہوئے،،
یہ ہے اللّہ پاک پر ایمان کا جزبہ۔۔۔

اقوام متحدہ کا کہنا ہے کہ غزہ کی پٹی میں 50,000 حاملہ خواتین بنیادی زچگی کی صحت کی دیکھ بھال کے لیے جدوجہد کر رہی ہیں اور ان میں سے 5,522 خواتین اگلے مہینے میں بچوں کو جنم دیں گی۔
جبکہ اقوام متحدہ کے پاپولیشن فنڈ برائے فلسطین کے نمائندے ڈومینک ایلن کا کہنا تھا کہ تصور کریں کہ اس عمل کو ان آخری مراحل میں گزرنا ہے اور پیدائش سے پہلے ، ممکنہ پیچیدگیوں کے ساتھ، بغیر لباس کے، بغیر صفائی اور مدد کے اور اس بات کا یقین نہیں ہے کہ اگلا دن، اگلا گھنٹہ، اگلا منٹ اپنے لیے اور پیدہ ہونے والے بچے کے لیے کیسا ہوگا،

غزہ پر اسرائیل کے ممکنہ حملے پر امریکی صدر بائیڈن:
میرے خیال میں یہ ایک بڑی غلطی ہو گی۔ اسرائیل کا دوبارہ غزہ پر قبضہ کرنا غلطی ہو گی۔ حماس کو ختم کرنے کی ضرورت ہے، لیکن فلسطینی ریاست کے لیے راستہ نکالنے کی ضرورت ہے۔

صہیونی آباد کار خاتون کا انٹرویو جسے القسام نے اپنے دو بچوں کے ساتھ رہا کیا تھا۔
مزاحمتی جنگجوؤں نے مجھے اپنے آپ کو ڈھانپنے کے لئے کپڑے فراہم کئے، اور جہاں سے مجھے گرفتار کیا گیا تھا واپسی پر، ایک جنگجو میرے ایک بچے کو اپنے کندھے پر اٹھائے ہوئے تھا اور میں دوسرے بچے کو۔“

کس درد اور غم سےان والدین نے اپنےبچوں کی سر کٹی لاشوں کو ہاتھوں میں اٹھایا ہوگا؟ غزہ پر اسرائیل کی وحشیانہ بمباری میں بچےایسے شہید ہو رہےہیں، ان کے جسم ٹکڑوں میں بٹ جاتے ہیں، دنیا مگر خاموش ہے، عالم اسلامی تماشائی ہے

فلسطینی فنکار عز لولو، جس کے گھر پر اسرائیلی طیاروں نے بمباری کی ہے، اپنے لوگوں کے دکھوں کی تصویر کشی کرتے ہوئے کہتا ہے۔۔۔ ’’انھوں نے میرے گھر پر بمباری تو کی ہے لیکن وہ مجھے میرے فن میں پیغام دینے سے کبھی نہ روک سکے۔

دل دہلا دینے والا منظرایک فلسطینی ڈاکٹر فادی خودری ، جو کہ شفاء ہسپتال کے ٹراما یونٹ میں اپنے فرائض انجام دے رہا تھا ۔اچانک سے اپنے والد اور بھائی کی لاشیں پہنچتے دیکھتا ہے، جو کہ اسرائیلی فضائی حملے میں شہید ہو گئے۔

خبر کی اپ ڈیٹ جاری رہے گی ہمارے ساتھ رہیں