فلسطین اسرائیل جنگ کا بارہواں روز، لائیو اپ ڈیٹس

غزہ (ای پی آئی)فلسطین اوراسرائیل کے درمیان جنگ کا بارہواں واں روز غزہ پراسرائیلی بربریت سے معصوم بچوں کے جسم چھلنی ، ہزاروں افراد شہید ، فلسطینی مجاہدین کےحوصلے چٹان کی طرح مضبوط بھرپور جوابی کارروائیوں کا سلسلہ جاری ، حزب اللہ نے اسرائیلی بربریت کے خلاف بڑا قدم اٹھا لیا ہے. فلسطین کے صدر کا امریکی صدر کے ساتھ ملاقات سے صاف انکار

 

اسرائیلی میڈیا کی رپورٹس کے مطابق اسرائیلی وزیر اعظم بینجمن نیتن یاہو اور امریکی صدر جو بائیڈن کے درمیان ملاقات تاحال جاری ہے۔ اسرائیلی وزیر دفاع یوو گیلنٹ اور سابق آرمی چیف بینی گینٹز سمیت جنگی کابینہ کے ارکان کو اس ہوٹل کے قریب جاتے ہوئے دیکھا گیا جہاں دونوں ممالک کے رہنما ٹھہرے ہوئے ہیں۔ بائیڈن نیتن یاہو کے ساتھ ون آن ون ملاقات کے بعد وزراء سے ملاقات کریں گے۔

جرمن حکومت کے ترجمان نے اسرائیل کی حمایت کرتے ہو کہا ہے کہ "یہ اسرائیل پر منحصر ہے کہ اس کی فوجی کارروائی کب تک جاری رہیں گی۔ ترجمان نے ایک سرکاری پریس کانفرنس میں غزہ میں جنگ بندی کے اقوام متحدہ کے مطالبات کے بارے میں ایک سوال کے جواب میں کہا کہ "ہم ایسی صورتحال میں ہیں کہ ایک دہشت گرد تنظیم نے نہ صرف حملہ کیا ہے بلکہ اسرائیل پر حملہ بھی جاری رکھے ہوئے ہے۔” ترجمان نے مزید کہا کہ "اسرائیل کی ریاست کے لیے یہ ابھی ایک مسئلہ ہے کہ وہ اس بات کا جائزہ لے کہ دہشت گردی کا یہ خطرہ اب اتنا بڑا نہیں ہے کہ اسرائیل اپنی دفاعی پوزیشن کو ختم کر سکے۔

محمد نامی ایک فلسطینی بچہ، جو اسرائیلی فضائی حملوں کی آوازوں سے بیدار ہوا تو اس بچے کو صدمے کی حالت میں دیکھا گیا۔ جب اس ننھے بچے کو ایک شخص نے تسلی دی تو یہ بچہ زور و قطار رونے لگا۔

بریکنگ نیوز۔۔ سعودی شہر جدہ میں اسلامی تعاون تنظیم کا وزارتی اجلاس شروع ہو گیا۔ نجی ٹی وی کے مطابق جدہ میں اسلامی تعاون تنظیم کے وزارتی اجلاس میں نگران وزیر خارجہ جلیل عباس جیلانی بھی شریک ہیں جس کے دوران وہ پاکستان کا موقف پیش کریں گے۔ اجلاس  میں  اسلامی ممالک کی جانب سے غزہ میں جاری اسرائیل مظالم کے خلاف مشترکہ حکمت عملی طے کی جائے گی۔ بتایا گیا ہے کہ جلیل عباس جیلانی اجلاس کے بعد سعودی عرب کے وزیر خارجہ سے ملاقات کریں گے جبکہ ان کی  کویت اور ایران کے وزرائے خارجہ سے بھی ملاقاتیں طے ہیں۔

فلسطینی خبر رساں ادارے کے مطابق اسرائیلی فورسز نے مقبوضہ مغربی کنارے میں 65 فلسطینیوں کو گرفتار کر لیا ہے۔ ان کا کہنا ہے کہ 7 اکتوبر سے مغربی کنارے میں اسرائیلی فورسز کے ہاتھوں حراست میں لیے گئے فلسطینیوں کی کل تعداد بڑھ کر 750 ہو گئی ہے لیکن اس تعداد میں منگل کے روز حراست میں لیے گئے غزہ سے تعلق رکھنے والے افراد شامل نہیں ہیں

فلسطینی وزیر صحت کے مطابق 7 اکتوبر سے لے کر اب تک غزہ میں شہید ہونے والوں کی تعداد 3,300 ہو گئی ہے جب کہ 13,000 سے زیادہ زخمی ہیں۔

غزہ کے العہلی العربی ہسپتال میں دھماکے کی جگہ کی چند تازہ ترین تصاویر:

گزشتہ روز ہسپتال میں ہونے والے حملے میں جب امریکی حکام نے کہا کہ امریکا کی قومی سلامتی کی ٹیم منگل کی رات غزہ کے ہسپتال میں ہونے والے دھماکے کی وجہ کی تحقیقات کرے گی، تو بہت سے لوگوں کا خیال تھا کہ اس حملے کے بارے میں وسیع انکوائری ہو گی۔ لیکن امریکی صدر کا دورہ اسرائیل سے اب ایسا لگتا ہے کہ صدر بائیڈن پہلے ہی فیصلہ کر چکے ہیں کہ اس مہلک حملے کے پیچھے کون ہے، اس بات کا اظہار امریکی صدر نے ناقص الفاظ میں کرتے ہوئے کہا کہ "ہسپتال میں حملے کی ذمہ دار "دوسری ٹیم” تھی۔ امریکی صدر کا یہ دورہ اسرائیلیوں کی حمایت کا ایک اہم مظاہرہ ہے۔ جوبائیڈن نے یہ دعوی کرتے ہوئے کہا کہ یہ ایک راکٹ کا غلط فائر ہسپتال کے قتل عام کا سبب بنا ہے، ایسا لگتا ہے کہ بائیڈن نے مؤثر طریقے سے اسرائیل کو اس کے مطابق کام کرنے کے لیے گرین لائٹ دی ہے۔ جبکہ بائیڈن نے حماس کا داعش سے موازنہ بھی ناقص الفاظ کیا اور کہا کہ داعش حماس سے زیادہ عقل رکھنے والی تنطیم ہے۔

غزہ میں ہلاکتیں امریکا یورپی یونین کی غیر مشروط حمایت کا نتیجہ ، اسرائیل نے ہفتے کو بھی اسپتال پر گولے برسائے تھے ، اسپتال ڈائریکٹر کو وارننگ دی گئی تھی کہ اسپتال خالی کر دیا جائے ۔ اسپتال میں تباہی سے پہلے کے مناظر سامنے آ گئے ۔ پناہ لینے والے خاندانوں کے بچوں کو دیکھا جا سکتا ہے

شہبازشریف، مریم نواز،بلاول بھٹو کی اسپتال پر اسرائیلی بمباری کی شدید مذمت، اسرائیل فلسطینیوں کی بدترین نسل کشی کررہا ہے ، جنگی جرائم کی حوصلہ افزائی کرنےوالے بھی برابر کے مجرم ہیں ، شہبازشریف کا بیان ، اسپتال پر اسرائیلی حملہ انسانیت کیلئے شرم کا مقام ہے ،سابق وزیر خارجہ بلاول بھٹو زرداری، غزہ پر جو کچھ ہوا وہ ظالمانہ وحشیانہ عمل ہے ، دنیا اسرائیل کے مظالم پر آنکھیں بندنہیں کر سکتی، مریم نواز

اسرائیل فلسطینیوں کی نسل کشی کرنے لگا، غزہ میں اسپتال پر بمباری کیخلاف دنیا بھر میں شدید احتجاج، اردن میں ہزاروں افراد کا اسرائیلی سفارتخانے پر دھاوا ، گیٹ کو آگ لگا دی، استنبول وار انقرہ میں بھی اسرائیلی قونصلیٹ کے باہر احتجاج،بیروت میں بھی مظاہرے ہزاروں افراد کی شرکت، کولمبیا نے اسرائیلی سفیر کو ملک بدر کردیا۔

اسکاٹ لینڈ کا غزہ کے متاثرین کو پناہ دینے کا اعلان، حمزہ یوسف نے کہا جہاں تک ممکن ہوا زخمیوں کو علاج کی سہولیات فراہم کریں گے۔ اسکاٹ لینڈ کے عوام نے ہمیشہ اپنے دل اور گھر پناہ گزینوں کیلئے کھولے ، ماضی میں شام اوریوکرین سمیت کئی ممالک کے متاثرین اسکاٹ لینڈ میں پناہ لے چکے ہیں۔

ترکیہ ،ایران اور قطر کی غزہ کے اسپتال پر اسرائیلی بمباری کی مذمت، ترک صدر رجب طیب اردوان کا غزہ میں جاری وحشیانہ مظالم کو فوری روکنے کا مطالبہ، ایران نےغزہ پر اسرائیلی حملے کو جنگی جرم قرار دے دیا۔ مصرکی غزہ میں اسپتال پر اسرائیلی حملے کی مذمت،مصر کا عالمی برادری سے مزید تشدد رکوانے کے لیے فوری مداخلت کا مطالبہ،

فرانس کے صدر کی بھی اسپتال پر حملے کی مذمت، اسپتال اور شہریوں پر حملے کا کوئی جواز پیش نہیں کیا جا سکتا، کینیڈا کے وزیراعظم نے حملہ ناقابل قبول اور غیر قانونی قرار دیدیا، غزہ سے آنے والی خبریں تباہ کن ہیں۔ جسٹس ٹروڈو کی اسرائیلی جارحیت کی مذمت، برطانی وزیر خارجہ جیمز کلیورلی کا کہنا ہے کہ اسپتال پر حملہ تباہ کن اور انسانی جانوں کا ضیاع ہے ،عام شہریوں کی جانوں کی حفاظت اولین ترجیح ہونی چاہیے۔ برطانوی وزیر خارجہ

مصر کے صدر عبدالفتاح السیسی نے سینائی میں غزہ پر اسرائیل کی جنگ سے فلسطینی پناہ گزینوں کی میزبانی کو مسترد کر دیا ہے۔ سیسی کا کہنا ہے کہ فلسطینی شہریوں کو غزہ کی پٹی سے سینائی منتقل کرنے کا تصور ایسے کیا جا سکتا ہے کہ لڑائی اور مزاحمت کو غزہ سے سینائی منتقل کرنا ہے،اس کے بعد سینائی میں اسرائیل کے خلاف فوجی کارروائیوں کا اڈہ ہوگا۔ انہوں نے مزید کہا کہ اس معاملے میں اسرائیل اپنا دفاع کرنے کی کوشش کرے گا اور اسی طرح اسرائیل اپنی فوج کو مصر اور سینائی کی طرف بھیجے گا۔

غزہ میں اسپتال پر اسرائیلی حملے کا ردعمل ، فلسطینی صدر نے امریکی صدر جوبائیڈن سے ملاقات منسوخ کر دی۔ محمود عباس نے اسپتال پر بمباری کے بعد ہنگامی اجلاس طلب کر لیا، غزہ میں اسپتال پر اسرائیلی بمباری کے خلاف اردن کا شدید ردعمل،عمان میں چار ملکی سربراہی اجلاس منسوخ،امریکی صدر کو اردن کا دورہ منسوخ کرنا پڑ گیا۔ چار ملکی اجلاس میں امریکی صدر، مصر ، فلسطینی رہنماؤں نے شرکت کرنا تھی ۔

غزہ کی پٹی میں الاہلی عرب اسپتال پر اسرائیلی حملہ جنگی جرم ہے ، اسپتالوں میں بیماروں ،زخمیوں کو رکھا گیا تھا ۔ اسرائیلی حملوں کے نتیجے میں بے گھر ہونے والے افراد بھی پناہ گزین تھے ۔ حملے کے بعد سیکڑوں افراد اب بھی ملے تلے دبے ہیں، حماس ترجمان

اسرائیل نے درندگی کی تمام حدیں پار کر دیں ، اسرائیل کا غزہ کے اسپتال پر حملہ ، 800سے زائد فلسطینی شہید، اسپتال کی عمارت زمین بوس ، ہر طرف چیخ و پکار ، شہید ہونے الوں میں مریض، ڈاکٹر اور نرسنگ اسٹاف شامل ، وزارت صحت کی جانب سے شہادتیں بڑھنے کا خدشہ، اقوام متحدہ کی اسپتال پر حملے کی مذمت، متاثرین کےاہل خانہ کیساتھ ہیں ، اسپتالوں اور طبی عملے کو بین الاقوامی قانون کے تحت تحفظ حاصل ہے ، یو این سیکرٹری جنرل انتونیو گوریس ، عالمی ادارہ صحت نے بھی اسپتال پر اسرائیلی حملہ قابل مذمت قرار دیدیا ۔

امریکی صدر جو بائیڈن اسرائیل پہنچ گئے۔ جو بائیڈن اسرائیلی وزیر اعظم بنجمن نیتن یاہو اور ان کی نئی قائم کردہ جنگی کابینہ کے نمائندوں سے ملاقات کریں گے۔

 

پلاسٹک سرجن غسان ابو سیطہ نے اسرائیلی حملے کے وقت العہلی عرب ہسپتال میں کام کرنے کا اپنا تجربہ بیان کرتے کہا ہے کہ، میں نے دو میزائلوں کی آواز سنی اور پھر ایک زور دار دھماکے کی آواز سنی۔ جس کے بعد آپریٹنگ روم کی فالس سیلنگ گر گئی۔ جب میں آپریٹنگ روم ڈیپارٹمنٹ کے سائڈ داخلی دروازے کی طرف گیا تو میں نے دیکھا کہ ہسپتال میں ہی آگ لگی ہوئی تھی، اس کے بعد میں ایمرجنسی روم کی طرف بھاگا جہاں سینکڑوں شدید زخمی اور مردہ تھے۔ جب ایمبولینس آئی تو میں انہیں طبی عملے کے ساتھ شفا ہسپتال لے گیا۔ "مجھے کوئی نقصان نہیں پہنچا لیکن یہ ایک ہسپتال کے خلاف قتل عام تھا۔”

اسرائیلی بمباری و بربریت کے شکار ہسپتال بارے حقائق سامنے آگئے 1-العہلی عرب ہسپتال غزہ شہر کے وسط میں واقع ہے اور اسے Episcopal Diocese of Jerusalem یروشلم کے ایپیسکوپل ڈائیسیس چلاتا ہے ۔ 2-اس کی بنیاد 1882 میں رکھی گئی تھی، جو اسے غزہ کا سب سے قدیم ہسپتال بناتا ہے۔ 3-عربی میں اس کے نام کا مطلب ہے "عرب عوام کا ہسپتال”۔ 4-ہسپتال ہر سال 45,000 سے زیادہ مریضوں کا علاج کرتا ہے۔ 5-یہ ہسپتال خصوصی مدد فراہم کرتا ہے جیسے کہ بزرگ خواتین کے لیے مفت کلینک، جھلس جانے والے زخمیوں اور کم وزن یا غذائیت کے شکار بچوں کی مفت دیکھ بھال، چھاتی کے کینسر کی جلد تشخیص کے لیے اسکریننگ پروگرام، اور صدمے کا شکار ہونے والے بچوں اور ان کی دیکھ بھال کرنے والوں کے لیے نفسیاتی مدد فرائم کرتا ہے۔ 6-اسپتال غزہ بھر کے دیہاتوں کو مفت موبائل کلینک بھی فراہم کرتا ہے۔ 7-2014 میں غزہ پر اسرائیلی حملوں کے دوران، ہسپتال میں روزانہ اوسطاً 45 شدید جھلسنے والے مریضوں کا علاج کیا جاتا تھا، جن میں سے نصف بچے ہوتے ہیں ۔

سعودی عرب نے غزہ میں الاہلی ہسپتال پر بمباری پر اسرائیل کی سخت مذمت کی۔ یہ اسرائیل کے بارے سعودی عرب کے موقف میں ایک مضبوط تبدیلی کی نشاندہی کرتا

 

یورپی کمیشن کی صدر ارسلا وان ڈیر لیین نے اپنی ایک ٹویٹ میں کہا ہے کہ "میں العہلی ہسپتال پر حملے اور ہلاکتوں کی بڑی تعداد سے دکھی ہوں۔طبی عملے اور شہریوں سے بھرے ہسپتال پر حملہ کرنے کا کوئی بہانہ نہیں ہے۔
تمام حقائق کو سامنے لانا ہو گا اور ذمہ داروں کا احتساب ہونا چاہیے۔فلسطینی صحافی نے آج صبح اسرائیلی بمباری کے بعد ہسپتال کے نئے مناظر کی ویڈیو وائرل کر دی ہے۔

فلسطینی صحافی نے آج صبح اسرائیلی بمباری کے بعد ہسپتال کے نئے مناظر کی ویڈیو وائرل کر دی ہے۔

 

غزہ میں صحت کے حکام کا کہنا ہے کہ اسپتال پر اسرائیلی حملے میں زیادہ تر متاثرین خواتین اور بچے شامل ہیں،انہوں نے مزید کہا کہ متعدد لاشوں کی شناخت نہ ہونے کے باعث ہلاکتوں کی تعداد میں اضافہ ہوگا جبکہ حکام نے آج جنازوں میں بڑی تعداد میں شرکت کی اپیل کی ہے۔ غزہ صحت حکام کا کہنا ہے کہ غزہ میں کم از کم پانچ ہسپتالوں کو اسرائیل کی جانب سے انخلاء کی وارننگ موصول ہوئی ہے۔ بین الاقوامی قانون کے مطابق، ہسپتالوں کا مقصد حملوں سے محفوظ اور حد سے باہر ہونا ہے جبکہ غزہ میں اس اصول کو برقرار نہیں رکھا جا رہا۔ہسپتالوں کو کیسے خالی کرایا جائے گا، اور مریضوں کو، جن میں کچھ کی حالت نازک ہے، کو کہاں لے جایا جائے گا؟انخلاء کے انتباہات کے پیچھے اسرائیل کے ارادے غزہ کے لوگوں کے لیے ابھی تک واضح نہیں ہیں۔

روس اور متحدہ عرب امارات نے غزہ ہسپتال پر اسرائیل کی بمباری پر اقوام متحدہ کی سلامتی کونسل کا ہنگامی اجلاس بلانے کا مطالبہ کیا ہے۔

اقوام متحدہ میں پاکستان کے مستقل مندوب منیر اکرم نے کہا ہے کہ پاکستان غزہ کے اسپتال پر اسرائیل کے وحشیانہ اور مجرمانہ حملے کی مذمت کرتا ہے۔ منیر اکرم نےکہا کہ عام شہریوں کو نشانہ بنانا واضح جنگی جرم اور انسانیت کے خلاف جرم ہے، پاکستان نے فوری جنگ بندی کا مطالبہ کیا ہے۔

خبر کی اپ ڈیٹ جاری رہے گی ہمارے ساتھ رہیں