لاہور (ای پی آئی ) احتساب عدالت لاہور نے سابق وزیر اعظم اور مسلم لیگ ن کے صدر شہباز شریف کے خلاف آشیانہ ریفرنس میں بریت کی درخواستوں پر فیصلہ کر لیا ۔7 نومبر کو سنایا جائے گا
تفصیل کے مطابق احتساب عدالت لاہور کے جج علی ذوالقرنین نے سابق وزیر اعظم شہباز شریف سمیت دیگر ملزمان کی بریت کی درخواستوں پر سماعت کی، تمام ملزمان کے وکلا ءنے دلائل مکمل کیے۔
دوران سماعت نیب کے وکیل وارث جنجوعہ نے دلائل دیتے ہوئے کہا کہ ملزمان پر جرم ثابت ہونے کا امکان نہیں، انویسٹی گیشن رپورٹ کی فائنڈنگز سے اتفاق کرتا ہوں۔
بعدازاں احتساب عدالت کے جج علی ذوالقرنین نے فیصلہ محفوظ کرتے ہوئے کہا کہ آشیانہ ریفرنس میں شہباز شریف ودیگر کی بریت کی درخواستوں پر فیصلہ 7 نومبر کو سنایا جائے گا۔
