قطر(ای پی آئی ) جمعیت علاء اسلام (جے یو آئی) کے سربراہ مولانا فضل الرحمان کی قطر میں حماس رہنماؤں خالد مشعل اور اسماعیل ہانیہ سے ملاقات ،مسئلہ فلسطین پر رہنماؤں میں تفصیلی تبادلہ خیال ہوا،
ملاقات میں سیکرٹری جنرل جے یو آئی سندھ مولانا راشد محمود سومرو اور مفتی ابراراحمد بھی شریک تھے۔
مولانا فضل الرحمان نے کہاکہ اسرائیل فلسطین میں مظالم ڈھا رہاہے،ترقی یافتہ ممالک کے دعویداروں کے ہاتھ بچوں اور خواتین کے خون سے رنگ ہوئے ہیں ، وقت آگیا ہے کہ امت مسلمہ عملی میدان میں فلسطینی بھائیوں کے شانہ بشانہ کھڑے ہوں۔
حماس رہنما اسماعیل ہانیہ نے کہاکہ مت مسلمہ کا فرض ہے کہ وہ اسرائیل مظالم کیخلاف متحد ہو جائے،انسانی حقوق کے عویدار ممالک ہتھیاروں سے بھرے جہاز لے کر تل ابیب پہنچ رہے ہیں ،
امت مسلمہ بھی فلسطینی بھائیوں کی امداد کیلئے میدان میں نکلے،
حماس رہنما کا کہناتھا کہ مولانا فضل الرحمان پاکستان میں فلسطین کے سفیر کا کردار ادا کر رہے ہیں،کشمیر اور فلسطین پر مظالم انسانی حقوق کے دعویداروں کے منہ پر طمانچہ ہے۔