لاہور(ای پی آئی )سیشن کورٹ لاہور نے خدیجہ شاہ کی درخواست ضمانت بعد ازگرفتاری پر ایف آئی اے سے ریکارڈ طلب کرلیا۔
سیشن کورٹ میں اشتعال انگیز ٹوئٹ کرنے کے معاملے پر خدیجہ شاہ نے درخواست ضمانت بعدازگرفتاری دائر کردی،
ایڈیشنل سیشن جج محمد نواز نے درخواست پر سماعت کی ،درخواست میں موقف اختیار کیا گیا ہے کہ خدیجہ شاہ جوڈیشل ریمانڈ پر جیل میں ہیں،درخواست میں استدعا کی گئی ہے کہ عدالت ایف آئی اے کے مقدمے میں ضمانت منظور کرنے کا حکم دے،
خدیجہ شاہ پر 9مئی کو اشتعال انگیز ٹوئٹ کرنے کا الزام ہے۔عدالت نے ایف آئی اے سے خدیجہ شاہ کا ریکارڈ طلب کرلیا،سیشن کورٹ نے کیس کی سماعت 7نومبر تک ملتوی کردی ۔
