لاہور (ای پی آئی ) 9 مئی جلاؤ گھیراؤ کیس میں گرفتار پاکستان تحریک انصاف کی سابقہ ایم پی اے روبینہ جمیل کی لاہور ہائی کورٹ نے درخواست ضمانت منظور کر لی۔
تفصیل کے مطابق لاہور ہائی کورٹ کے جسٹس شہرام سرور کی سربراہی میں 2 رکنی بینچ نے سابقہ ایم پی اے روبینہ جمیل کی درخواستِ ضمانت پر سماعت کی۔
عدالت نے سابقہ ایم پی اے کی درخواستِ ضمانت پر فیصلہ سناتے ہوئے روبینہ جمیل کو 5 لاکھ روپے کے مچلکے جمع کروانے کا حکم دیا۔
یاد رہے کہ روبینہ جمیل نے 9 مئی کے روز جلاؤ گھیراؤ کے مقدمے میں درخواست ضمانت دائر کی تھی۔
