لاہور (ای پی آئی ) پاکستان تحریک انصاف کی جانب سے شاہدرہ میں الیکشن سے متعلق کارنر میٹنگ کی اجازت کےلئے لاہور ہائیکورٹ میں دائر درخواست پر عدالت نے اجازت دے دی،
تفصیل کے مطابق لاہور ہائیکورٹ کے جسٹس علی باقر نجفی نے اکمل خان کی درخواست پر سماعت کی درخواست گزار کی جانب سے علی جعفری ایڈووکیٹ پیش ہوئے۔
پی ٹی آئی نے مؤقف اختیار کیا کہ الیکشن کے حوالے سے لاہور کے علاقے شاہدرہ میں کارنر میٹنگ کرنا چاہتے ہیں،
عدالت کارنر میٹنگ کی اجازت دے اور پولیس کی سکیورٹی بھی فراہم کی جائے۔عدالت نے درخواست منظور کرتے ہوئے 19 نومبر کو پی ٹی آئی کو کارنر میٹنگ کی اجازت دے دی۔
