لاہور(ای پی آئی ) سابق وزیر اعلیٰ پنجاب چوہدری پرویز الٰہی کے صاحبزادے چوہدری مونس الٰہی کو کرپشن کیس میں اشتہاری قرار دینے کا تفصیلی فیصلہ جاری کر دیا گیا ،
احتساب عدالت لاہور نے ترقیاتی منصوبوں میں مبینہ کرپشن پر مونس الٰہی کو اشتہاری قرار دینے کا تحریری فیصلہ جاری کیا ،
فیصلے میں کہا گیا ہے کہ مونس الٰہی پراسیکیوشن کے الزامات میں عدالت میں پیش ہونے سے اجتناب کررہے ہیں، عدالت مونس الٰہی کو اشتہاری قرار دینے کا حکم دیتی ہے،
تحریری فیصلے میں کہا گیا ہے کہ جب تک مونس الٰہی گرفتار نہیں ہوتے ناقابل ضمانت وارنٹ گرفتاری برقرار رکھے جاتے ہیں۔
