کراچی (ای پی آئی ) گرینڈ ڈیموکریٹک الائنس (جی ڈی اے )کا مشاورتی اجلاس،ن لیگ اور جی ڈی اے کی سیٹ ایڈجسٹمنٹ کے حوالے سے تبادلہ خیال ،جی ڈی اے کے چیف کو آرڈینیٹر پیر صدرالدین شاہ راشدی کی زیر صدارت اجلاس میں عام انتخابات سے متعلق مشاورت کی گئی ،
پیر صدرالدین شاہ راشدی نے جی ڈی اے رہنماؤں کو ن لیگی قیادت سے ہونے والے مذاکرات پر اعتماد میں لیا۔ اور عام انتخابات میں ن لیگ کو جی ڈی اے میں شامل کرنے یا سیٹ ایڈجسٹمنٹ کرنے کی دو مختلف رائے پر اظہار خیال کیا گیا۔
ذرائع کا کہنا ہے کہ ن لیگ سے اتحاد کے حوالے سے حتمی فیصلہ جی ڈی اے کے سربراہ پیر پگاڑا کریں گے،
اس حوالے سے جی ڈی اے کی کور کمیٹی کا اہم اجلاس آئندہ ہفتے طلب کر لیا گیا ہے۔
دوسری جانب جی ڈی اے رہنما عرفان اللہ مروت کا دعویٰ ہے کہ جی ڈی اے۔ ایم کیوایم، جے یو آئی، ن لیگ کے ساتھ انتخابی اتحاد ہوگا،
کوشش ہے اے این پی بھی ہمارے ساتھ شامل ہوجائے۔جی ڈی اے رہنما نے کہا کہ تمام جماعتوں کا مشترکہ اجلاس بلاکر اپنے لائحہ عمل کا اعلان کیاجائے گا۔
