لاہور(ای پی آئی )کاؤنٹر ٹیررازم ڈیپارٹمنٹ (سی ٹی ڈی )کی جانب سے دہشتگردی خدشات کے پیش نظر کارروائیوں کا سلسلہ جاری ہے ۔
سی ٹی ڈی پنجاب نے مختلف شہروں میں کامیاب کارروائیاں کرتے ہوئے ٹی ٹی پی کمانڈر سمیت 7دہشتگردوں کو گرفتار کر لیا ہے۔
ترجمان سی ٹی ڈی کے مطابق پنجاب کے مختلف شہروں میں 248آپریشن کئے گئے، انٹیلی جنس بیسڈ آپریشن کے دوران 7دہشتگرد گرفتار کر لئے گئے۔
سی ٹی ڈی حکام کا کہناتھا کہ کارروائی راولپنڈی، سرگودھا، بہاولپور، پاکپتن اور ساہیوال میں کی گئی،بہاولپور سے ٹی ٹی پی کا اہم کمانڈر سلمان گرفتار کر لیاگیا ،
دہشتگردوں سے بارودی مواد، 2ہینڈ گرنیڈ اور نقدی بھی برآمد ہوئی۔حکام کا کہنا تھا کہ دہشتگرد اہم تنصیبات پر حملے کی منصوبہ بندی کررہے تھے،دہشتگردی کے ناسور کو جڑ سے اکھاڑ پھینکنے کیلئے پرعزم ہیں۔
