لاہور (ای پی آئی )انسداد دہشت گردی عدالت لاہور نے نو مئی واقعات میں پاکستان تحریک انصاف کی رہنما اور سابق وزیر صحت پنجاب ڈاکٹر یاسمین راشد، اعجاز چوہدری اور روبینہ جمیل پر فردِ جرم عائد کردی۔
تفصیل کے مطابق تھانہ سرور روڈ میں درج 9 مئی کے واقعات کے 2 مقدمات کی سماعت لاہور کی نسدادِ دہشت گردی عدالت میں ہوئی ۔
دوران سماعت ملزمان پر فرد جرم عائد کی گئی جس پر ملزمان کی جانب سے صحت جرم سے انکار کر دیا گیا ۔
عدالت نے مقدمے کے گواہان کو 16 دسمبر کو بیانات ریکارڈ کرانے کے لیے طلب کرلیا۔ملزمان کو گزشتہ سماعت پر چالان کی کاپیاں تقسیم کی گئی تھیں۔
