راولپنڈی (ای پی آئی)اڈیالہ جیل میں 190 ملین پاؤنڈ کیس کی سماعت احتساب عدالت چیئرمین پاکستان تحریک انصاف کے مزید جسمانی ریمانڈ کی استدعا مسترد کر دی۔ جوڈیشل ریمانڈ پر جیل بھیج دیا گیا. تفصیل کے مطابق اڈیالہ جیل میں القادر پراپرٹی ٹرسٹ اور 190 ملین پاؤنڈ کیس کی سماعت جج محمد بشیر نے کی۔
چیئرمین پی ٹی آئی کی اہلیہ بشریٰ بی بی، بہن علیمہ خان اور عظمیٰ خان بھی کمرۂ عدالت میں موجود تھیں۔اس کے علاوہ نیب پراسیکیوٹر مظفر عباسی کی سربراہی میں 5 رکنی ٹیم بھی اڈیالہ جیل پہنچی تھی، جس میں ڈپٹی ڈائریکٹر میاں عمر ندیم، عبدالستار، عرفان اور تنویر شامل تھے۔
دوران سماعت نیب کی جانب سے مزید جسمانی ریمانڈ کی استدعا کی گئی جسے عدالت نے مسترد کرتے ہوئے چیئرمین پی ٹی آئی کو جوڈیشل ریمانڈ پر بھیج دیا۔
