راولپنڈی(ای پی آئی )وفاقی تحقیقاتی ادارے (ایف آئی اے ) کی سی ٹی ڈی کے ہمراہ کارروائی انسانی اسمگلنگ میں ملوث لیبیا کشتی حادثہ میں ملوث گینگ کا سرغنہ گرفتار۔
ایف آئی اے راولپنڈی حکام کے مطابق نے سی ٹی ڈی کے ہمراہ عمر کوٹ میں چھاپہ مارا اورملزم فیض اللہ کو گرفتار کرلیا۔ملزم نے شہری کے بیٹے اور بھتیجے کو غیر قانونی طور پر بیرون ملک بھجوانے کے لیے65 لاکھ بٹورے۔
ملزم نے شہری کے بیٹے اور بھتیجے کو اٹلی براستہ لیبیا بھجوانے کا وعدہ کیا تھا۔ شہری کا بیٹا اور بھتیجا لیبیا پہنچنے کے بعد سے لاپتہ ہیں۔حکام کا کہناتھا کہ ملزم کے دیگر ساتھیوں نے شہری کے بیٹے اور بھتیجے کو کشتی میں سوار کیا تھا۔
ملزم کو گرفتار کر کے تفتیش کا آغاز کر دیا گیا ہے اور دیگر ملزمان کی گرفتاری کے لیے کاروائیاں جاری ہیں۔