لاہور (ای پی آئی ) سابق چیئرمین پاکستان تحریک انصاف کی جانب سے لاہور ہائیکورٹ میں توہین الیکشن کمیشن کیس میں جیل ٹرائل کے خلاف درخواست پر سماعت ۔
لاہور ہائیکورٹ کی جج جسٹس عالیہ نیلم نے درخواست چیف جسٹس کو بھجواتے ہوئے فل بینچ بنانے کی سفارش کر دی ۔عدالت کی بانی پی ٹی آئی کے کیسز میں جیل ٹرائل کے نوٹیفکیشن سے متعلق تمام ریکارڈ کو درخواست کے ساتھ لگانے کی ہدایت
دوران سماعت درخواست گزار کے وکیل نے دلائل دیتے ہوئے کہا کہ توہین الیکشن کمیشن کی کارروائی میں جیل ٹرائل کرنے کا نوٹیفکیشن جاری کردیا گیاہے۔
جسٹس عالیہ نیلم کی جانب سے استفسار کیا گیا کہ اب تک کتنے کیسز میں جیل ٹرائل کا نوٹیفکیشن ہوچکا ہے۔ وکیل کی جانب سے بتایا گیا کہ اب تک سائفر اور القادر ٹرسٹ سے متعلق کیسز کا جیل ٹرائل کا نوٹیفکیشن ہوا ہے ۔
ہم ایک کیس میں آرڈر کردیں تو باقیوں پر کیا اثر ہوگا۔ آپ تمام ریکارڈ فراہم کریں ۔جسٹس عالیہ نیلم کی درخواست گزار کے وکیل کو ہدایت۔
الیکشن کمیشن 13 دسمبر کو جیل ٹرائل کے لیے پہنچ جائے گا ۔ ہم ریکارڈ فراہم کر دیتے ہیں آپ درخواست کو کل کےلیے مقرر کردیں ۔ وکیل درخواست گزار
جسٹس عالیہ نیلم نے وکیل کو ہدایت کی کہ آپ متفرق درخواست کے ذریعے تمام دستاویزات لف کردیں پھر دیکھتے ہیں۔یہی عدالتی طریقہ کار ہے۔ جسٹس عالیہ نیلم عدالت نے درخواست فل بینچ کو بھجوا دی