لاہور(ای پی آئی ) پاکستان تحریک انصاف کی رہنما خدیجہ شاہ کے خلاف پنجاب حکومت نے نظر بندی کا حکم واپس لیتے ہوئے عدالت میں جواب جمع کروا دیا
جس کے بعد رہائی ملتے ہی کوئٹہ پولیس نے گرفتار کر کے انسداد دہشت گردی عدالت میں راہداری ریمانڈ دینے کی استدعا کر دی ۔
کوئٹہ پولیس نے درخواست دی کہ ملزمہ کا کوئٹہ کی انسداد دہشت گردی عدالت سے وارنٹ لیا ہے، ملزمہ سے تفتیش کرنی ہے عدالت تین روز کا راہداری ریمانڈ منظور کرے جس پر انسداد دہشت گردی عدالت نے خدیجہ شاہ کو دو روز میں متعلقہ عدالت میں پیش کرنے کا حکم دہتے ہوئے راہداری ریمانڈ منظور کر لیا۔۔
جبکہ خدیجہ شاہ کے شوہر جہانزیب امین کی جانب سے نظر بندی کے خلاف لاہور ہائیکورٹ میں دائر درخواست پر سماعت ہوئی ۔
جسٹس علی باقر نجفی نے دوران سماعت خدیجہ شاہ کو اڑھائی بجے ہائیکورٹ پیش کرنے کا حکم دیتے ہوئے ریمارکس دیئے کہ اگر خدیجہ شاہ کو پیش نہ کیا گیا تو آئی جی پنجاب پیش ہوکر وضاحت دیں جبکہ لاء افسران فوری عدالتی احکامات سے متعلق متعلقہ اتھارٹیز کو آگاہ کریں