لاہور (ای پی آئی ) محکمہ انسداد دہشت گردی (سی ٹی ڈی) نے مختلف شہروں میں انٹیلی جنس بیسڈ آپریشنز کرتے ہوئے دہشت گردی کی کارروائیوں کی منصوبہ بندی کرنے والے 9 دہشت گردوں کو گرفتار کر لیا ہے ۔
اس حوالے سے ترجمان سی ٹی ڈی کے مطابق انٹیلی جنس بیسڈ آپریشن لاہور سمیت فصیل آباد، گوجرانوالہ، بہالپور، بہاولنگر سیالکوٹ اور حافظ آباد میں کیے گئے۔
جبکہ لاہور میں کارروائی کرتے ہوئے کالعدم تنظیم کو مالی معاونت کرنے والے دو افراد کو بھی گرفتار کیا گیا ہے
ترجمان کے مطابق گرفتار دہشت گردوں کے قبضے سے بارودی مواد، 2 ہینڈ گرینڈ، نقدی اور دیگر سامان بھی برآمد کیا گیا ہے۔
ترجمان سی ٹی ڈی کے مطابق گرفتار دہشت گردوں میں عبدالرحمٰن، عبدالوحید، عظیم، سفیان، زمان، صدیق، سجاد جٹ، عمران علی اور عمر فاروق شامل شامل ہیں۔