لاہور (ای پی آئی ) احتساب عدالت لاہور میں سابق وزیر اعظم شہباز شریف اور سابق وزیر اعلیٰ پنجاب حمزی شہباز کے خلاف رمضان شوگر ملز کیس کی سماعت ،عدالت نے حمزہ شہباز کی مستقل حاضری معافی کی درخواست پر دلائل طلب کر لئے ،سماعت 12 جنوری تک ملتوی ۔
تفصیل کے مطابق نیب کی جانب سے شہاز شریف اور ان کے صاحبزادے حمزہ شہباز کیخلاف دائررمضان شوگر مل ریفرنس کی سماعت احتساب عدالت کے جج ملک علی ذوالقرنین اعوان نےکی ۔
دوران سماعت سابق وزیر اعلیٰ پنجاب حمزہ شہباز حاضری کے لیے عدالت میں پیش ہوئے جبکہ شہباز شریف کے نمائندے انوار حسین بھی عدالت میں پیش ہوئے۔عدالت نے رمضان شوگر مل ریفرنس میں حمزہ شہباز کی حاضری مکمل کر لی۔
نیب کے وکیل وارث جنجوعہ نے کہا کہ اس کیس میں بریت کی درخواستیں دائر ہوئی تھیں، اب یہ کیس گواہوں کے بیانات سے شروع ہو گا۔احتساب عدالت نے کارروائی 12 جنوری تک ملتوی کر دی۔
اس موقع پر سابق وزیر اعلیٰ پنجاب حمزہ شہباز نے میڈیا سے گفتگو کرتے ہوئے کہا کہ ہم عدالت سے سرخرو بھی ہوئے اور سابق چیئرمینٍ پی ٹی آئی کی حکومت میں ہم پر جھوٹے کیس بنائے گئے
انھوں نے کہا کہ اس حکومت کی دوران بھی ایف آئی اے نے کہا کہ ہمارے پاس کوئی ٹھوس ثبوت نہیں میں اور شہباز صاحب بری ہوئے آج نواز شریف بھی با عزت بری ہورہے ہیں جھوٹے کیس بنا کر قومی خزانے کو نقصان پہنچایاگیا قوم سے جھوٹ بولا گیا جن لوگوں نے جھوٹے کیس بنائے وہ بھی آج کٹہرے میں ہیں
حمزہ شہباز کا کہنا اس ملک کا وقت قیمتی ہے اور عوام کا وقت قیمتی ہے ہم سب کو مل کر لوگوں کے مستقبل کے حوالے سے جامع حکمت عملی اپنانی چاہیے میں سیاسی کارکن ہوں میری امید اور دعا ہے کہ الیکشن وقت پر ہونے چاہیے میں جھوٹے کیس بنانے والوں کو اللہ کے حوالے کرتا ہوں اوور ایز کا بڑا حق ہے جیسے حالات ہوں گے ویسے چلیں گے
انھوں نے کہا کہ لیول پلینگ فیلڈ انتخابات کے فئیر اینڈ فری ہونے کے لئے ضروری ہے جب الیکشن ہوں گے تب سب کو نظر آئے گاواضح رہے کہ سپریم کورٹ کے حکم پر نیب نے رمضان شوگر ملز کا ریفرنس دوبارہ عدالت جمع کروا دیا تھا۔
