لاہور (ای پی آئی ) سابق چیئرمین پاکستان تحریک انصاف کی جانب سے توشہ خانہ کیس میں نا اہلی اور انٹرا پارٹی انتخابات پر الیکشن کمیشن کے فیصلے خلاف لاہور ہائیکورٹ میں سماعت ۔عدالت نے الیکشن کمیشن کو نوٹس جاری کر دیئے،
تفصیل کے مطابق سابق چیئرمین پی ٹی آئی کی درخواستوں پر لاہور ہائیکورٹ کے جسٹس شاہد بلال حسن کی سربراہی میں 5 رکنی لارجر بنچ جسٹس شمس محمود، جسٹس شاہد کریم، جسٹس شہرام سرور چودھری اور جسٹس جواد حسن نے سماعت کی ۔
دوران سماعت جسٹس شاہد بلال نے کہا کہ عدالت کیس کو باقاعدہ سننے سے پہلے دائر اختیار کا فیصلہ کرے گی، الیکشن کمیشن کی جانب سے کون پیش ہوا ہے۔اس پر ایسوسی ایٹ وکیل نے کہا کہ الیکشن کمیشن کے وکیل چھٹی پر ہیں۔
جسٹس شاہد بلال نے کہا کہ الیکشن کمیشن کے وکیل کی عدم موجودگی میں کیس سننا مناسب نہیں ہو گا۔
عدالت کی جانب سے الیکشن کمیشن کو نوٹس جاری کر دیا۔