اسلام آباد (ای پی آئی )اینٹی نارکوٹکس فورس (اے این ایف ) کی ملک بھر میں منشیات فروشوں کے خلاف کارروائیاں جاری ہیں ۔
ترجمان اے این ایف کے مطابق مختلف شہروں میں کارروائیاں کرتے ہوئے 348 کلوگرام سے زائد منشیات برآمد کر لی ہے ۔
ترجمان اے این ایف کے مطابق علامہ اقبال انٹرنیشنل ائرپورٹ پر ایک کارروائی کے دوران دوحا جانے والے مسافر کے پیٹ سے 36 آئس بھرے کیپسول برآمد کئے گئے جبکہ دوسری کارروائی پشین کے علاقے کلی میرجان زئی میں کی گئی، جہاں ایک مکان سے 312 کلو گرام افیون برآمد کرلی گئی۔
اسی طرح زخہ خیل خیبر سے 26 کلو اور ڈیرہ اسماعیل خان سے 7.2 کلو چرس برآمد کی گئی۔ جبکہ لاہور کے علاقے گلبرگ تھری میں واقع کوریئر آفس میں کوہاٹ کے لئے بک کئے گئے پارسل سے 3.3 کلو آئس برآمد کرلی گئی۔
گرفتار ملزم کے خلاف انسدادِمنشیات ایکٹ کے تحت مقدمہ درج کر کے تحقیقات کا آغاز کر دیا گیا