راولپنڈی(ای پی آئی ) ملک بھر میں عام انتخابات کے پہلے مرحلے میں امیدواروں کی جانب سے کاغذات نامزدگی جمع کرانے کے بعد دوسرے مرحلے میں سکروٹنی کا عمل شروع کر دیا گیا
اس حوالے سے شیخ رشید احمد اور ان کے بھتیجے شیخ راشد شفیق سکروٹنی کے لئے آر او آفس پہنچے جہاں پر ان کے حلقہ 56 میں جمع کرائے گئے کاغذات نامزدگی کی سکروٹنی کا عمل مکمل ہونے کے بعد کاغذات منظور کر لئے گئے
اس موقع پر شیخ رشید احمد نے میڈیا سے گفتگو کرتے ہوئے کہا کہ میرے مقابل 44امیدوار ہیں،زندگی میں 6سے 7تو دیکھے ہیں44نہیں دیکھے،اللہ کو منظور ہوا تو حلقہ 56بھی جیتیں گے اور 57 بھی
انھوں نے کہا کہ آج حلقہ 56میں میرے اور راشد شفیق کے کاغذات منظور ہو گئےہیں ،اس الیکشن میں جو مدمقابل ہیں سارے قابل احترام ہیں
انھوں نے کہا کہ پی ڈی ایم کیخلاف عوام میں جاؤں گا،17بار وزیر رہا ہوں، کرپشن کا کوئی چارج نہیں لگا، انھوں نے کہا کہ ایک ماہ کیلئے الیکشن مہم چلاؤں گا،6فروری کو صرف ایک جلسہ کروں گا۔