لاہور (ای پی آئی ) الیکشن کمیشن آف پاکستان کی جانب سے پاکستان تحریک انصاف کی خواتین کی مخصوص نشستوں کی فہرست جاری نہ کرنے کے خلاف لاہور ہائیکورٹ میں دائردرخواست پر سماعت۔عدالت نے الیکشن کمیشن کے وکیل کو کل ہدایات لیکر پیش ہونے کی ہدایت کر دی ۔
تفصیل کے مطابق پی ٹی آئی کی جانب سے پشاور ہائیکورٹ کےحکم کے باوجود خواتین کی مخصوص نشستوں پر پی ٹی آئی کی خواتین کی فہرست جاری نہ کرنے پر دائر درخواست پرلاہور ہائیکورٹ کے جسٹس علی باقر نجفی نے سماعت کی
دوران سماعت پی ٹی آئی کے وکیل نے دلائل دیئے کہ پشاور ہائیکورٹ نے الیکشن کمیشن کا فیصلہ معطل کردیا گیا صوبائی الیکشن کمشنر پی ٹی آئی امیدواروں کی سکروٹنی نہیں کر رہے
عدالت نے وکیل الیکشن کمیشن سے استفسار کیا کہ کیا الیکشن کمیشن نے پشاور ہائیکورٹ کا فیصلہ چیلنج کیا ہےا گر کہیں فیصلہ چیلنج نہیں کیا تو پھر الیکشن کمیشن کو پارٹی فہرست اپلوڈ کرنی چاہیے ایسا نہیں ہوسکتا کہ الیکشن کمیشن کوئی فیصلہ بھی نہ کرے اور فیصلے پر عملدرآمد بھی نہ کرے
جس پر وکیل الیکشن کمیشن نے جواب دیا کہ میں اس بارے میں ہدایات لے کر عدالت کو آگاہ کروں گا وکیل الیکشن کمیشن نے درخواست قابل سماعت ہونے سے متعلق اعتراض اٹھاتے ہوئے دلائل میں کہا کہ فیصلہ پشاور ہائیکورٹ نے معطل کیا ہے انہیں یہ درخواست بھی وہاں دائر کرنی چاہیے تھی
عدالت نے ریمارکس میں دیئے کہ اگر درخواست قابل سماعت نہیں ہے تو پھر پشاور ہائیکورٹ کا فیصلہ کدر جائے گاپی ٹی آئی ایک جماعت اور مخصوص نشستوں کا اہم کردار ہوتا ہے عدالت نے الیکشن کمیشن کے وکیل کو کل تک ہدایات لیکر
پیش ہونے کی ہدایت کر دی