لاہور(ای پی آئی ) سابق چیئرمین پاکستان تحریک انصاف کے حلقہ این اے122 لاہور سے کاغذات نامزدگی مسترد کرنے کا 8 صفحات پر مشمل تحریری فیصلہ جاری کر دیا گیا ہے ۔
ریٹرننگ افسر کی جانب سے جاری تحریری فیصلے میں کہا گیا ہے کہ سابق چیئرمین پی ٹی آئی کو اسلام آباد کے ایڈیشنل سیشن جج نے سزاسنائی،نااہلی 5سال کیلئے ہوئی،جو کہ ابھی تک معطل یا کالعدم نہیں ہوئی ہے ۔
فیصلے میں مزید کہا گیا ہے کہ بانی پی ٹی آئی کو آرٹیکل 63ون کے تحت نااہل کیاگیا،شکایت کنندہ کے اعتراضات قانونی ہیں،بانی پی ٹی آئی کے این اے 122سے کاغذات مسترد کئے جاتے ہیں۔
واضح رہے کہ سابق لیگی ایم پی اے میاں نصیر احمد نے کاغذات پر اعتراضات دائر کئے تھے۔