خیرپورٹامیوالی(ای پی آئی )19ویں انٹرنیشنل چولستان ڈیزرٹ ریلی کے موقع پر دلوش سٹیڈیم چولستان قلعہ ڈیراور کے مقام پر کلچرل نائٹ کا اہتمام کیا گیا۔
اس موقع پرکمشنر بہاول پورڈویژن ڈاکٹر احتشام انور، میاں محمد عثمان عباسی، ایم ڈی ٹی ڈی سی پی حمیرا اکرام،جی ایم آپریشن ٹی ڈی سی پی واحد ارجمند اورانٹرنیشنل چولستان ڈیزرٹ ریلی میں حصہ لینے والے ریسرز سمیت انتظامی محکموں کے افسران اور شائقین جیپ ریلی کی کثیر تعداد موجود تھی۔
کلچرل نائٹ میں معروف پاکستانی گلوکارعارف لوہارسمیت مقامی چولستانی گلوکاروں نے گیت پیش کئے۔کلچرل نائٹ میں پاکستان بھر سے ڈیزرٹ ریلی کے شائقین نے جوش و خروش سے حصہ لیااور فنکاروں کی خوب پذیرائی کی۔
بعد ازاں ڈیراور فورٹ میں شاندار آتش بازی کا مظاہرہ بھی کیا گیا۔