عمرکوٹ(ای پی آئی) عمرکوٹ میں گھریلو تنازعہ پر باپ نے تین بچوں کو قتل کرکے خودکشی کرلی، مزدور کی تین بچوں سمیت درخت پر پھندہ لگی نعشیں برآمد۔
تفصیل کے مطابق سندھ کے ضلع تھرپارکر کے عمرکوٹ میں بودرفارم کے قریب پلی موڑ اسٹاپ پر آم کے درخت پر مزدور چمن کولہی اور اس کے تین بچوں کے نعشیں برآمد ہوئیں ۔ علاقہ مکینوں کا کہناہےکہ بیوی سے گھریلو تنازعہ پر ناراضگی کی وجہ سے مبینہ طور پر تین بچوں کو پھندہ لگا کر مارنے کے بعدچمن کولہی نے خودکشی کی ہے ۔
واقعہ کے بعد اہل علاقہ انتہائی سوگ میں ہیں جبکہ اطلاع ملتے ہی پولیس نے جائے وقوعہ پر پہنچ پر چاروں نعشیں درخت سے اتار کر اسپتال منتقل کردی ہیں ۔ مقامی ایس ایچ او کا کہنا ہے واقعہ کی خودکشی سمیت دیگر پہلوؤں پر تفتیش کی جا رہی ہے