کراچی (ای پی آئی) پاکستان شوبز انڈسٹری معروف اداکارہ نیلم منیر کی شادی کی تقریبات کا آغاز ہوگیا۔ سوشل میڈیا اکاؤنٹ پر رسم مایوں کی تصاویر نے دھوم مچا دی ،فینز کی جانب سے مبارکباد کے پیغامات ،
سوشل میڈیا پر وائر تصاویر میں مایوں کی تصاویر میں نیلم منیر کو زرد رنگ کے جوڑے میں مہندی لگائے دیکھا جاسکتا ہے۔ ایک تصویر میں اداکارہ اپنی والدہ کے ساتھ خوشگوار موڈ میں نظر آرہی ہیں۔
نیلم منیر کی جانب سے مایوں کے موقع پر کراچی کے خوبصورت مقام پر فوٹوشوٹ کروایا گیا ہے۔سوشل میڈیا پر صارفین کی جانب سے ان کی تصاویر کو لائیک کرنے کے ساتھ انہیں مبارک بادیں دینے کا سلسلہ جاری ہے۔
یاد رہے کہ کئی مرتبہ نیلم منیر کی شادی کی افواہیں زیرِ گردش رہیں جس کے بعد اداکارہ نے ان افواہوں کی تردید کی۔2022 میں اداکارہ نے ایک انٹرویو میں اپنی شادی سے متعلق گفتگو کی تھی جس میں ان کاکہنا تھاکہ میری شادی کی خبر اچانک ہی سننے کو ملے گی لیکن میں شادی سادگی سے کروں گی۔
