ملتان (ای پی آئی ) پاکستان اور ویسٹ انڈیز کے درمیان ملتان میں کھیلی جانے والی 2 ٹیسٹ میچوں کی سیریز کے پہلے میچ میں پاکستان نے تیسرے روز ہی ویسٹ انڈیز کو 127 رنز کے بھاری مارجن سے شکست دیکر ایک صفر کی برتری حاصل کرلی۔
تفصیل کے مطابق ملتان ٹیسٹ کے تیسرے دن پاکستان ٹیم دوسری اننگز میں ویسٹ انڈیز کے خلاف 157 رنز بنا کر آؤٹ ہوگئی تھی جس کے بعد مہمان ٹیم کو جیت کے لیے 251 رنز کا ہدف ملا تھا۔ جس پر ایک بار پر پھر ویسٹ انڈیز ٹیم کے مقابلے میں اسپنرز کو لایا گیا تو پہلی اننگ کے بعدایک مرتبہ پھر ساجد خان ویسٹ انڈیز ٹیم کے بیٹرز کے لیے مشکل بن گئے اور پاکستان نے 12.5 اوورز میں ہی ویسٹ انڈیز کی چار وکٹیں صرف 37 رنز پر حاصل کرلیں۔
جس کے بعد نعمان علی نے بھی ایک وکٹ لے کر ویسٹ انڈیز کی آدھی ٹیم کو واپس پویلین بھیجنے میں کردار ادا کیا اس کے بعد بھی پاکستانی بولرز مسلسل ویسٹ انڈیز کے بیٹرز کو پریشان کرتے رہے۔
ویسٹ انڈیز کی چھٹی وکٹ 95 رنز پر گری جس کے بعد لگاتار 3 وکٹس 123 رنز پر گریں۔مہمان ٹیم کی آخری وکٹ 123 رنز پر گری اور یوں آج شروع ہونے والی ویسٹ انڈیز ٹیم کی بیٹنگ لائن صرف 36.3 اوورز کی مہمان ثابت ہوئی۔
دوسری اننگز میں ساجد خان نے 5، ابرار احمد 4 اور نعمان علی نے 1 وکٹ حاصل کی۔