1
لاہور میں خاتون کو کرنٹ لگا کر قتل کرنیوالا ملزم گرفتار،لاہور کے علاقے ہربنس پورہ کی حدود میں قتل کی واردات دو روز قبل ہوئی، 65 سالہ مقتولہ کی لاش واش روم سے ملی، دوران تفتیش انکشاف ہوا کہ قاتل گھر پر پینٹ کیلئے آنے والا رنگساز ہے۔پولیس کے مطابق ملزم عظیم نے مقتولہ کا موبائل فون چھیننے کیلئے واردات کا اچانک منصوبہ بنایا، بھاری بھرکم چیز خاتون کے سر پر ماری اور واش روم لیجاکر بجلی کے تار پاؤں سے جوڑ دیے۔پولیس کے مطابق ملزم چاول کی بوری اور موبائل فون لیکر فرار ہوا، جسے برآمد کرلیا گیا۔ پولیس کا کہنا ہے کہ ملزم عظیم سے مزید تفتیش جاری ہے۔
2
تربت میں سیکیورٹی فورسز کی گاڑی کے قریب دھماکا ہوا ہے، جانی نقصان کی کوئی اطلاع نہیں ملی۔رپورٹ کے مطابق تربت کے علاقے مند روڈ پر زیر تعمیر سڑک پر سیکیورٹی فورسز کی گاڑی کے قریب دھماکا ہوا۔دھماکے کے بعد فورسز نے علاقے کو گھیرے میں لے کر ملزمان کی تلاش شروع کردی۔
3
انٹربینک اور اوپن مارکیٹ میں ڈالر کی قدر میں اضافہ ہوگیا، انٹربینک میں 13 پیسے اور اوپن مارکیٹ میں 8 پیسے اضافے پر کاروبار کا اختتام ہوا۔رپورٹ کے مطابق انٹربینک میں امریکی ڈالر 13 پیسے مہنگا ہوکر 279 روپے 80 پیسے کا ہوگیا جبکہ اوپن مارکیٹ میں امریکی ڈالر 8 پیسے مہنگا ہوکر 281 روپے 30 پیسے کا ہوگیا۔صبح کے اوقات میں ڈالر کے مقابلے روپیہ 2 پیسے کی بہتری سے 279.65 پر جاپہنچا۔
